Blloku Bota

Partia e Nikolla Gruevksit në Maqedoni ka propozuar mbrëmë përmes ish-ministrit të Jashtëm Antonio Milloshovksit se rruga e daljes nga kriza është heqja dorë nga platforma shqiptare dhe kalimi drejt zgjedhjeve të reja. Mirëpo Zoran Zaev, njeriu që kërkon aktualisht mandatin për krijimin e qeverisë së re ka deklaruar se sjellja dhe deklarimet e VMRO-DPMNE udhëhiqen nga albanofobia, e cila nuk ndihmon në ecjen përpara.

Një nga sloganet e fushatës së Donald Trump ishte: "Të blejmë produkte amerikane, për të punësuar amerikanët", por siç është shpallur së fundmi nga gazeta lokale Daily Progress, Kantina e Verës së familjes Trump në Charlottesville në Virginia kërkon punëtorë të huaj për të vjelur rrushin! Kompania, e kryesuar nga djali 33 vjeçar i presidentit ka aplikuar me anë të një programi të veçantë për të rekrutuar 29 punëtorë  të huaj sezonale për vjeljen e rrushit, pasi qytetarët amerikanë nuk kanë qenë të gatshëm për të punuar në këto pozicione.

3 orë e 24 minuta mbajti debat televiziv i pesë kandidatëve për zgjedhjet presidenciale në Francë, ku nuk munguan konfrontimet. Protagonistë ishin padyshim  Marine Le Pen dhe Emmanuelle Macron. Temat e diskutuara  nga burkini, ekonomia e BE-së dhe marrëdhëniet me Rusinë e Putinit. Fituesi? Në fund të mbrëmjes rrjeti BFMTV bëri një anketë të shpejtë ku rezultoi se Makron ishte më bindës, ndërsa Francois Fillon dhe Marin Le Pen u renditën pas tij.

Mendimi strategjik turk duket se bashkohet në domosdoshmërinë e zgjerimit territorial dhe ndikues të vendit në rajonet ku dikur sundonte Perandori Osmane. Ish-kryeministri Davutoglu ishte një nga propozuesit e kësaj ideje që synon të shpallë legjitimitetin e kërkesave turke, por pas tij edhe analistë të tjerë nuk shohin drejtim tjetër për stabilitetin dhe zhvillimin e vendit.

Kompania amerikane e sondazheve, Gallup, ka 80 vjet që mat nivelin e aprovimit të punës së presidentëve nga publiku amerikan. Nga sondazhin e sotëm i saj, rezulton se vetëm 37% e amerikanëve kanë opinion pozitiv për punën e Presidentit Trump. Në ditët e para të punës së tij si president, nivlei ishte 45%.

Në historinë 80-vjeçare të sondazheve Gallup, asnjëherë nuk ka ndodhur që aprovimi i punës së presidentëve nga publiku amerikan të ketë qenë poshtë 50-përqindëshit, në tre muajt e parë të mandatit të parë.

E.Zaloshnja

Tension dhe shqetësim ka shkaktuar në Athinë vendimi i komandës së NATO-s për të përjashtuar nga harta e stërvitjes ushtarake ishullin grek të Lemnos, pas një kërkese të ardhur nga Turqia. Shefi i komandës turke që shërben në Ramstain  të Gjermanisë, thuhet se kërkoi përjashtimin e ishullit nga stërvitja e NATO-s e planifikuar për këtë të hënë. Vitin e kaluar ishulli i Lemnos ishte pjesë e hartës.

Vault 7 – projekti i ri i WikiLeaks në publikimin e veprimtarive ekstraligjore të agjenciave amerikane të spiunazhit zbulon më së miri se kapacitetet e këtyre enteve janë të tilla që mund të kryejnë survejim global të rrjetit. Programe dhe motorë kërkimi që operojnë në kontratë me milionë përdorues janë ekspozuar si të manipulueshëm nga agjencitë që përdorin në këto raste “boshllëqe” të sistemit dhe programimit për të realizuar qëllimet e tyre. Mjafton të thuhet se ekipi i CIA-s që menaxhon këtë punë ka koduar më shumë rreshta se Facebook, kjo sipas WikiLeaks.

Media të ndryshme në Mal të Zi po raportojnë se fqinji ynë veriperëndimor mund të përfitojë hyrjen në BE përmes një procedure urgjente. Lajmi shpërndahet edhe nga siti European Western Balkans që financohet nga projekte të BE-së dhe referon si burim të parë gazetën “Dnevne Novine”. Gazeta deklaron se ka informacione nga administrat e Bashkimit Europian që thonë se procesi i pranimit mund të reduktohet nga 5 vjet në 3 apo dy. Ideja fillestare i atribuohet kryeministrit sllovak, Robert Fico dhe ka nisur të riqarkullojë së fundmi.

Mungesa e zgjidhjes së krizës dhe paaftësia për të krijuar qeveri, i ka dhënë kohë ish-kryeministri maqedonas, Nikolla Gruevski që të dalë me një propozim të ri faktorizues për të. Gjatë një interviste për televizionin “Kanal 5”, ai ka bërë të ditur se partia e tij, VMRO-DPMNE do të propozojë brenda javës që vjen një dokument të ri për daljen nga kriza.

Dy ditë më parë ministri turk i Mbrojtjes, Suleyman Soylu, lëshoi një mesazh kërcënues për Europën kur deklaroi se Turqia mund të hapë shtegun për 15 mijë refugjatë çdo muaj. Ky mesazh është në vazhdën e tensioneve mes Ankarasë zyrtare dhe BE-së për çështje që lidhen sa me krizën siriane, aq edhe me problemet e brendshme politike në Turqi.