Blloku Bota

Polonia ka përkujtuar 85 vjetorin e invazionit nga Gjermania Nacionalsocialiste, çka edhe inauguroi shpërthimin e Luftës së Dytë Botërore. Kryeministri Donald Tusk solli paralele mes LIIB dhe luftës në Ukrainë duke deklaruar se:

Lufta po vjen sërish nga Lindja

Ndonëse Gjermania nuk është në Lindje të Polonisë.

Jens Stoltenberg, ende në detyrën e Sekretarit të Përgjithshëm të NATO-s, ka deklaruar se inkursioni ukrainas në territorin rust ë Kurskut, është tërësist legjitim dhe brenda nocionit të vetëmbrojtjes.

Ukraina ka të drejtën të mbrojë veten. Dhe sipas ligjit ndërkombëtar kjo e drejtë nuk ndalon në kufi. Ushtarët rusë, tanket dhe bazat në Kursk, janë shënjestra legjitimi nën ligjin ndërkombëtar

Gjykata e Lartë e Brazilit ka urdhëruar mbylljen në territorin e vendit të platformës “X”, që kontrollohet nga Elon Musk.

Arsye e vendimit është Dizinformacioni, ndërkohë që sipas gjyqësorit Brazilian ai nuk ka caktuar ende një përfaqësues të ri ligjor në vend.

Nëse ka një sukses të qartë të politikës së Albin Kurtit kjo është delegjimimi i argumentit të perëndimit për të mbajtur status quonë në Kosovë.

Për çdo veprim të kryer nga qeveria e tij, pavarësisht qëllimeve, brenda suazës së legjitimitetit politik dhe kushtetues të Kosovës, Perëndimi ka dalë kundër me argumente përherë e më të pabaza, mbështetur thjesht në logjikën: lëre tani këtë muhabet! Se është provokim.

Presidentja Vjosa Osmani ka thënë se negociatat me Serbinë kanë ngecur sepse shtetet nuk po trajtohen barabartë. Ajo ka përmendur zotimet e papërmbushura nga Serbia të dala nga procesi i dialogut, teksa ka theksuar se Kosova ka përmbushur të gjitha detyrat e veta.

Konflikti në Ukrainë mund të përshkallëzojë deri në përdorimin e armëve bërthamore. Kështu ka paralajmëruar të paktën ministri i Jashtëm turk, Hakan Fidan, që ka mbajtur edhe detyrën e shefit të shërbimeve sekrete.

Për fat të keq lufta në zemër të Europës mes Rusisë dhe Ukrainës është në vitin e tretë. Rrezikon përshkallëzimin në një luftë me përdorim të armëve bërthamore

është shprehur ai në deklarim për mediat gjatë një vizite në Slloveni.

BE ka bërë transferimin e parë të interesit të fituar nga aktivet e ngrira të bankës qendrore të Rusisë në Ukrainë dhe shtete të tjera që ndihmojnë Kievin, njoftoi të enjten kryediplomati i Bllokut, Josep Borrell. Transferta ka një vlerë prej 1.4 miliardë eurosh (1.5 miliardë dollarë).

SHBA dhe CIA e kanë përdorur aplikacionin e koduar të mediave sociale Telegram për të nxitur trazira dhe lëvizje proteste kundër qeverive të huaja që i konsideron të padëshirueshme.

Më shumë se një muaj pas tentativës për të vrarë ish-presidentin Donald Trump, FBI ka një konkluzion për atentatorin. Thomas Crooks, i cili qëlloi në drejtim të kandidatit republikan gjatë një takimi elektoral në Pensilvani, ka vepruar i vetëm.

Ish-negociatori i njohur David Owen, referuar zakonisht si Lordi Owen ka deklaruar në një intervistë për median serbe, “N1” se çdo rishikim i Marrëveshjes së Dejtonit, firmosur më 1995 e që i dha fund luftës së Bosnjes, duhet të marrë parasysh qëndrimin e Serbisë.