Blloku Bota

Austria do të ashpërsojë akoma më tej ligjet në favor të vaksinimit. Pas vendimit për ta bërë vaksinimin të detyrueshëm, i cili hyn në fuqi nga 1 shkurti, qeveria po përgatit një ligj që ndëshkon me gjobë ata që nuk pranojnë të vaksinohen.

Sipas draftit që disponon austriakja “Die Presse”, të cilës i referohet Euractive, gjoba mund të arrijë vlerën 7200 euro.

Lideri serb i Bosnjës sfidon sanksionet për të cilat e ka paralajmëruar Perëndimi, duke i kujtuar këtij të fundit se mund të gjejë aleatë te Rusia dhe Kina. I akuzuar së fundmi se mund të provokojë luftën në vendin e tij, Milorad Dodik, lë të kuptohet se së shpejti mund të ketë një takim me Putin.

Kompania farmaceutike “Moderna” ka njoftuar se mund të zhvillojë një vaksinë kundër variantit Omicron të Sars-CoV-2 brenda fillimit të vitit që vjen. Sipas kreut të sektorit të kërkimeve Paul Burton, “Moderna” është në gjendje të hedhë në qarkullim sasi të mëdha vaksine nëse do të kërkohet.

Duhet të kemi besim, kemi mësuar shumë mbi CoVid-19 dhe sesi ta përballojmë atë. Është një virus në pamje i rrezikshëm por tani kemi shumë mjete në arsenalin tonë kështu që jam optimist

Organizata Botërore e Shëndetësisë paralajmëron se varianti Omicron përbën potencial për rrezik global me pasoja të rënda në disa zona. Agjencia e OKB-së u kërkoi 194 vendeve anëtare të përshpejtojnë vaksinimin e grupeve me prioritet të lartë dhe, në pritje të rritjes së numrit të rasteve, të hartojnë plane për të zbutur impaktin e një vale të re dhe për të ruajtur shërbimet thelbësore shëndetësore.

Kreu i shërbimit shëndetësor të Izraelit, Sharon Alroy-Preis ka deklaruar se të vaksinuarit që janë infektuar me variantin Omicron të Sars-CoV-2 kanë zhvilluar sëmundje të lehtë.

Presidenti i Francës ka vendosur të nderojë pas vdekjes këngëtaren e njohur, Josephine Baker, aktore me origjinë afrikane, aktiviste dh eish-agjente e Rezistencës Franceze.

Bota ka përballë një “armik” të ri: variantin e sapozbuluar të Covid-19, të cilit një ditë më parë OBSH-ja i dha emrin Omikron. Të enjten, autoritetet shëndetësore në Afrikën e Jugut njoftuan se kishin konstatuar një variant të ri të virusit, i cili ka potencial të lartë transmetimi.  

Mbetjet e dy Luftërave Botërore mund të bëhen rrezik për njerëzit. Alarmi është ngritur nga Komisioneri i Mjedisit i BE-së, Virginijus Sinkevičius.

Sipas tij, aktiviteti i shtuar ekonomik në det të hapur rrit rrezikun e dëmtimit nga municionet dhe armët kimike të hedhura në detet evropiane gjatë Luftës së Parë dhe të Dytë Botërore.

Fjala është për impiantet e energjisë së erës dhe kabllot nënujore, të cilat mund t’i trazojnë këto mbetje, duke shkaktuar potencialisht rrjedhjen e kimikateve të dëmshme në oqean, apo edhe shpërthime.

Një variant i ri i Covid-19 ka mbërritur në Europë ende pa i dhënë shkenca emrin e ri. Rasti i parë i B.1.1.529 është zbuluar në Belgjikë. Varianti i zbuluar për herë të parë në Afrikën e Jugut po shkakton shqetësim për shkak të numrit jashtëzakonisht të lartë të mutacioneve.

Atë që pak vite më parë Kina po e kufizonte me politika të posaçme, tashmë po e nxit me të tjera. Disa vite pasi hoqi kufirin e numrit të fëmijëve që duhet të ketë një çift, tani po nxitet rritja e numrit të lindjeve. Një mënyrë për këtë është zgjatja e lejes së lindjes.

Disa rajone në Kinë e kanë zgjatur këtë leje me të paktën 30 ditë, përpjekja më e re për të inkurajuar shtimin e popullsisë pasi vendi po përballet me një krizë demografike.

Kina po përballet me një fuqi punëtore që plaket me shpejtësi dhe ekonomi që ngadalësohet.