Blloku Bota

Një gjeneral i forcave ajrore amerikane, Mike Minihan, që drejton komandën e lëvizshme ajrore ka deklaruar se SHBA do të përfshihet në konflikt ushtarak me Kinën në vitin 2025.

Shpresoj ta kem gabim, por parandjenja më thotë se do të luftojmë në 2025-ën

është shprehur ai në një memo që është zbardhur nga “NBC News”.

Një koleg i dikurshëm i të akuzuarit të FBI-së, Charles McGonigal, thotë se ish-zyrtari i lartë i kundërzbulimit ishte një "narcisist egoist", i cili shpesh "u bërtiste vartësve", nuk i duronte dot sukseset e nëpunësve dhe mund të ketë qenë pjesë e një klike anti-Hillary Clinton në zyrën e agjencisë në Nju-Jork, gjë që shtoi presionin mbi drejtorin e FBI-së, James Comey, për të rihapur hetimin e byrosë për emailet e pahijshme të kandidates për presidente vetëm disa ditë përpara zgjedhjeve të 2016-s.

Koreja e Jugut ka njoftuar se do të publikojë përgjatë këtij viti një plan me zbatim afatmesëm dhe afatgjatë për unifikimin e gadishullit Korean. Ministria për Unifikimin prezantoi dje një raport që përfshin synimet për vitin 2023 që përmban shtatë detyra kryesore.

Volodymyr Zelenskiy – ky është emri që duket se do të lidhet me idenë e popullarizimit digjital dhe propagandisitik të luftës së re në Europë. Në një intervistë për “British Sky”, ai është shprehur se Putin nuk ka për të ndaluar në Ukrainë, por do të vazhdojë më tej me vende të tjera.

Shefi ushtrisë norvegjezë, Eirik Kristoffersen, ka deklaruar gjatë një interviste për Tv2 se viktimat ruse në luftën në Ukrainë po i afrohen shifrës 180 000, përfshirë të vrarë dhe të plagosur. 

 Humbjet ukrainase janë ndoshta mbi 100 000, të vdekur apo të plagosur. Ukraina ka rreth 30 000 civilë të vdekur në këtë luftë tmerrshme 

është shprehur gjenerali norvegjez. 

Vendet e Europës kanë rënë dakord të dërgojnë 80 tanke Leopard 2 në Ukrainë. Qeveria gjermane ka bërë njoftimin në fjalë duke sqaruar se ajo vetë do të furnizojë Kievin me 14 njësi luftimi si hap i parë ndërkohë që vendet e tjera angazhohen për të plotësuar numrin me tanke të tjera.

Presidenti turk, Recep Tayyip Erdogan, Ka deklaruar se Turqia do të kundërshtojë anëtarësimin e Suedisë në NATO, pas akteve të djegies së Kuranit para ambasadës turke në Stokholm.

Është e qartë se ata që lejuan një skandal të tillë jashtë ambasadës së vendit tonë nuk mund të presin ndonjë favor prej nesh lidhur me aplikimin e tyre për anëtarësim në NATO

është shprehur Erdogan në një konferencë për shtyp. Sipas tij fakti që akti u konsumua para ambasadës turke e shndërron çështjen në një problem fetar dhe kombëtar për Turqinë.

Ambasadori i Rusisë në Estoni, Vladimir Lipayev, ka deklaruar se Perëndimi, më saktë anglo-saksonët po armatosin vendet balltike me synim krijimin e pararojave të militarizuara përkundrejt Rusisë.

Estonia po armatoset në mënyrë aktive dhe nuk është e qartë se pse. Këtu ata kanë ndërmend të dorëzojnë armët më modern konvencionale që mund të mbajnë në rreze goditjeje Shën Peterburgun. Një sistem mbrojtjës anti-raketor me rreze të mesme po krijohet në Estoni. Pyetja që shtrohet është: Kundër kujt planifikon të shkojë në luftë Estonia?

Rusia e përjashton aktualisht mundësinë e një traktati paqeje me Japoninë në momentin e tanishëm. Agjencia “Tass” citon zyrtarë të Kremlinit të jenë shprehur se rreshtimi I tanishëm i Japonisë me “vende jo miqësore me ne”,

Ky është refuzim i drejtpërdrejtë i qëndrimit të kryeministrit japonez, Fumio Kishida, i cili pak kohë më parë u shpreh se pavarësisht pozicionit të Tokios në raport me krizën ukrainase, Japonia u shpreh se I përmbahet politikës së saj për zgjidhjen e mosmarrëveshjeve me Rusinë.

Gjermania ka hapur rrugën për eksportimin e tankeve “Leopard” drejt Ukrainës, duke njoftuar se nuk do të vërë veton për furnizimin e Kievit nga Polonia. Ministrja e Jashtme gjermane, Annalena Baerbock ka deklaruar në një intervistë për  televizionin francez, “LCI” se Gjermani nuk do të ndalojë Poloninë të dërgojë tanket e prodhimit gjerman në Ukrainë.