Blloku Bota

Presidenti serb, Alexander Vuçiç, ka dhënë një intervistë për Tv Prva, përmes së cilës ka komentuar të gjitha zhvillimet kryesore politike që lidhen me vendin e tij, e për rrjedhojë me rajonin. Ai ka komentuar situatën e krijuar në Parlamentin e Serbisë, që është sipas tij shembull i faktit se demokracia funksionon në vend për faktin se askush nuk u ndëshkua. Nga ana tjetër, Vuçiç ka folur për një lloj serbofobie të manifestuar nga një figurë e njohur që jeton në Serbi të cilit nuk ia përmendi emrin.

Presidentja moldave Maia Sandu ka caktuar Dorin Recean, një akademik dhe politikan, ish-ministër i Brendshëm, në detyrën e kryeministrit të ri të vendit.

Vendimi erdhi pas dorëheqjes së kryeministres Natalia Gavrilita që deklaroi se kirzat e shumëfishta të provokuara nga agresioni rus në Ukrainë kishin sjellë një dështim. Qeveria moldave është përballur me krizë energjetike, inflacion dhe paaftësi për të penguar dhunimin e hapësirës së saj ajrore.

Autoritetet belge kanë arrestuar eurodeputetin Marc Tarabella i përfshirë në skandalin "Qatargate". Arresti vjen pas përjashtimit të tij nga Partia Socialiste dhe pas heqjes së imunitetit të enjten bashkë me eurodeputetin Andrea Cozzolino.

Zëdhënësja e PE-së, Delphine Colard nuk pranoi të komentonte arrestin që lidhet me akuzën për shkeljen e ligjit belg për korrupsion, pjesëmarrje në organizatë kriminale dhe pastrim parash.

Komisioni Europian ka njoftuar se do të zhvillojë në muajin mars një konferencë donatorësh për pasojat e tërmetit në Turqi. Njoftimi është dhënë nga kryetarja e KE-së, Ursula von der Leyen dhe kryeministri suedez, Ulf Kristersson, pasi Suedia mban presidencën e radhës së BE-së. Von der Leyen ka bërë të ditur se deri më tani, në kuadër të Mekanizmit të Mbrojtjes Civile të BE-së janë dërguar në Turqi 31 ekipe kërkimi dhe pesë ekipe mjekësore nga 23 vende.

“Politico” shkruan për atë që e quan një plan i sauditëve për të blerë Kupën e Botës në futboll. Pra të drejtën e organizimit të saj në vitin 2030. Sauditët raportohet se i ofruan Greqisë dhe Egjiptit ndërtimin e stadiumeve të reja në këmbim të votës pro për organzimin e kampionatit botëror në vitin 2030.

Skandali i korrupsionit që përfshiu përfaqësues të Parlamentit Europian, po kanalizohet në funksion të intresit politik, duke dëmtuar kështu klimën për drejtësi. Sekretari i Partive Popullore Europian, grupim që mbledh parti të qendrës dhe të djathta, Thanasis Bakolas, është shprehur në një intervistë për "Politico" se :

Ky është një problem i socialistëve

Kreu i Organizatës së Kombeve të Bashkuara, Antonio Guterres, ka paralajmëruar se bota po shkon drejt një konflikti më të gjerë në Ukrainë.

Duhet të zgjohemi dhe t’i vihemi punës. Perspektiva e paqes vazhdon të zvogëlohet. Shanset e përshkallëzimit dhe gjakderdhjes vazhdojnë të rriten. Kam drikë se bota nuk po hyn me symbyllur në një luftë më të gjerë, por po e bën këtë me sytë hapur

Tërmeti që goditi Turqinë juglindore dhe Sirinë mëngjesin e datës 6 shkurt 2023 ka marrë deri më tani 1014 jetë njerëzish dhe plagosur 5000 të tjerë. Goditja kryesore u ndje në provinën e Kahramanmaraş dhe pati magnitudë 7.7, rreth 10 km nën tokë.

Tërmeti është pasuar deri më tani nga 100 pasgoditje, një pjesë e të cilave me magnitudë 6. Goditjet janë ndjerë edhe në Siri dhe Liban. 

Ish-kryeministri izraelit Naftali Bennet ka deklaruar gjatë një interviste për gazetarin Hanoch Daum se ai kishte marrë garanci nga presidenti rus Vladimir Putin se ai nuk do të kërcënonte jetën e Volodymyr Zelenskiyt.

Bennet ka sqaruar se diskutimi është bërë gjatë një takimi në muajin mars, në kuadër të një vizite sekrete të tij në Moskë. 

E pyeta: Po planifikon të vrasësh Zelenskiyn? Nuk do ta vras Zelenskiyn, tha ai. I thashë më pas: “Duhet të kuptoj se po më jep fjalën se nuk do ta vrasësh. Ai tha: Nuk do ta vras Zelenskiyn

Dy autorë, pjesë e Agjencisë Surdeze të Kërkimit në Fushën e Mbrojtjes, kanë publikuar një raport paraprak për rastet e gjykimit për spiunazh në Europë në vitet 2010-2021. Nga dokumenti i publikuar rezulton se në 10 vjeçarin e marrë në shqyrtim ka një rritje të rasteve të spiunazhit në Europë nga agjenci të huaja ku dominojnë ato ruse.