Blloku Billboard

Partia Demokratike po vendos së fundmi disa precedentë jo shumë pozitivë në skenën politike, edhe kështu e dërrmuar në imazh publik. P.sh po vihet re se kritikën dhe kërkesën për një analizë të humbjes më 21 qershor e bën ish-kryeministri Sali Berisha dhe njerëz që kanë qenë afër tij përherë. Më e pazakonta është koha kur po zgjidhen këto insinuata që krijojnë presion të madh mbi kryetarin e PD-së, Lulzim Basha është zgjedhur pikërisht pasi afera e CEZ-it kaloi.

Shqipëria nuk ka më asnjë problem, asnjë hall, nuk ka qeverisje të dështuar, as korrupsion e krim, nuk ka vërfëri. Jo. Shqipëria sot ka vetëm gëzim, gëzimin e një fitoreje në futboll, mishëruar si finale heroike e një seriali që nisi në Beograd. Por gjithsesi, sot gëzimi i Shqipërisë është i pëzishëm sepse heroi i vërtetë, Ballisti, Ismail Morina, njeriu, i cili për aq sa dimë, me vullnet të lirë dhe pa i dhënë llogari kujt, ngriti dronin në Beograd, ndodhet në burg.

Deputeti i LSI, Spartak Braho ka treguar në Panorama arsyen e vizitës që i ka bërë në qeli Ballist Morinës. Sipas Brahos, ai është një djalë që nuk përbën rrezik publik, për më tepër ka lënë pa asnjë mjet jetese gruan e tij dhe dy fëmijët.

Me iniciativën e këngëtarit Flori Mumajesi, gjendja emocionale e mijëra të pranishmëve në Sheshin "Nënë Tereza" është shndërruar në një skeç gjigant nacionalizmi primitiv, me mllef dhe urrejtje ndaj Serbisë, mesa duket një reagim ndaj një pilule të hidhur që as kualifikimi në Euro 2016 nuk e ka shuar dot. Turma ka nisur të lëshojë thirrje të rënda nën drejtimin e Mumajesit, me fokus “motrat e serbëve”. Në vijim të ngjarjeve “jashtë skenarit” gjatë festimeve të sotme, turma ka fishkëllyer kreun e FSHF-së Armand Duka dhe ka kërkuar lirimin e kryetifozit Ballist Morina.

Paqja mes Ilir Metës dhe Edi Ramës është në të vërtetë një bashkëjetesë në një fushë ku secili minon rrugën e tjetrit. Me atë që ndodhi së fundmi me aferën e CEZ-it dhe mënyrën sesi ajo u mbyll, u provua se deri më 2017-ën do të ketë një qetësim relativ të raporteve, por duke u përgatitur për vitin e vështirë elektoral. Dy partitë, zyrtarisht të majta, sidomos LSI favorizohen nga gjendja e tanishme e PD-së, e cila nuk po gjen dot kohezionin e nevojshëm. E megjithatë, tradita e tranzicionit mëson se ka disa instrumente që dy partitë e mëdha nuk i lëshojnë.

Me logjikë juridike, pranimi i gjykimit të shkurtuar nga ana e palës së akuzuar, nënkupton pranimin e akuzave. Në rastin Ardian Fullani, procedurialisht u pranua vazhdimi i seancave me gjykim të shkurtuar, por kjo “për ekonomi gjyqësore”. Thënë ndryshe, ishte një ftesë gjykatës për t’i bërë shpejt e shpejt etapat, por jo pranim i fajit. Kësisoj, të gjithë të kënaqur. Edhe pse prokuroria kishte kërkuar pesë vite burg, Gjykata e Tiranës vendosi të shpallë të pafajshëm sot ish-Guvernatorin e Bankës qëndrore Fullani.

Shqipëria nuk do të ishte në finalet e europianit, Francë 2016 nëse në pankinën e kombëtares nuk do të ishte Xhani De Biazi. Italiani besoi që në fillim se ekipi mund t'ia dalë të kualifikohet në një kompeticion të madh mjafton që në fushë të mos luanim vetëm me zemër, por edhe me tru siç ai vetë e ka përsëritur disa herë. Sepse për të luajtur futboll nuk mjaftojnë vetëm muskujt, dëshira dhe talenti, por mbi të gjitha inteligjenca. Dhe ajo që De Biazi injektoi tek ekipi i tij ishte disiplina taktike për të marrë maksimumin e rezultatit duke shfrytëzuar potencialin e grupit.

Kombëtarja e futbollit kthehet sot në mesditë nga Armenia, ndërkohë që ajo merr me vete dhe një “trofe” tjetër: Shqipëria është vendi i vetëm ballkanik që është kualifikuar për Euro 2016, bashkë me Rumaninë nga ana tjetër e gadishullit. Slloveni, Kroaci, Bosnje, Serbi, Maqedoni, Greqi, Turqi… nuk janë kualifikuar. Kështu kuptohet edhe më mirë pse fitorja shqiptare ka shkaktuar çudi në mediat ndërkombëtare. UEFA dergoi kartolinen zyrtare online, (foto), ndërsa trajneri danez Morten Olsen, i dëmtuari direkt i ndeshjes së djeshme, deklaroi se gara e Jerevanit ishte e trukuar!  

Ismail Morina u arrestua në flagrancë me dy pistoleta dhe gjykata dha msën e sigurisë “arrest me burg”. Arrestimi i tij u bë pak para ndeshjes Shqipëri-Serbi dhe Morina kishte siguruar 36 bileta. Ndërkohë që gjykimi duhet të zbardhë se çfarë kishte ndërmend Morina, sot disa protestues kanë kërkuar lirimin e tij. Arsyeja? “Ne kërkojmë liri për Ballist Morinën, sepse ai na bëri krenarë. Në Beograd ai ngriti flamurin tonë, ndërsa në Shqipëri kryeministri ynë nuk na la ta ngremë flamurin tonë. Liri Ballistit.

Për humbjen e kombëtares sonë të futbollit me Serbinë kanë folur e shkruar shumë – ca që kanë qenë e ca që s‘kanë qenë ndonjëherë në një stadium futbolli. Meqë jemi pranë sfidës me Armeninë, që është edhe ajo tejet e rëndësishme për kombëtaren tonë, po shkruaj edhe unë disa rreshta, si një njeri që ka filluar të shkojë në stadium qysh në moshën 6 vjeç dhe që të enjten ne Elbasan ishte vetëm disa shkallë sipër bankinës së ekipit tonë.