69 vota pro, dhe 33 kundër dhe asnjë abstendim, Glauk Konjufca zgjidhet kreu i Kuvendit të Kosovës.

Gjithashtu në seancën konstituive të 22 marsit janë betuar edhe 114 deputetët e legjislaturës të tetë. Me këtë rast, drejtuesi i seancës, Avni Dehari ka lexuar deklaratën për betimin e deputetëve.

Për SHBA-të është Kina, për Britaninë e Madhe, Rusia. Armiqtë tanimë po formalizohen në një botë që po i rikthehet militarizmit, i subvencionuar kryesisht nga Perëndimi. Në një prononcim për gazetën “The Telegraph”, shefi i Shtabit të ushtrisë britanike, sir. Mark Carleton-Smith, ka deklaruar se forcat e shërbimit special britanik, SAS, do të angazhohen për të kundërvepruar ndaj aktiviteteve ruse në botë.

Krizat nuk rëndojnë mbi të mëdhenjtë, madje prej tyre ata dalin të fituar. Edhe pse natyra e krizës që shkaktoi pandemia është tjetër nga ajo e recesionit dhe vështirë mund të mendosh se do të ishte fitimprurëse për një prodhues të makinave luksoze, në fakt ka rezultuar e kundërta. Për Lamborghini-n, vitit 2020 ka qenë më fitimprurësi, pavarësisht se prodhuesi italian i mbylli dyert përgjatë dy muajve të karantinës.

Ajo që shumë i druheshin në fund të verës së vitit 2020, nuk ndodhi. Studiues të sëmundjeve infektive i kthyen sytë nga gripi sezonal, me frikën e një mbivendosjeje në rastet e Covid-19.

Por të pakta kanë qenë rastet e të sëmurëve me grip. Në SHBA, gjatë sezonit të gripit 2019-2020 – pra në vjeshtë dhe dimër - 18 milionë njerëz u paraqitën te mjeku me simptomat e gripit dhe 400 000 u shtruan në spital. 32 000 njerëz vdiqën. Por në sezonin aktual, rastet mezi e kaluan një numër me katër shifra.

Rusia dhe Bullgaria janë përfshirë së fundmi në një përballje diplomatike që lidhet akuzat për spiunazh në favor të Kremlinit. Agjencia ruse e lajmeve “Tass”, njofton se në Bullgari janë arrestuar gjashtë persona, pjesëtarë të Ministrisë së Mbrojtjes dhe Shërbimit Sekret të Ushtrisë. 

Dyshimet për mpiksjen e gjakut si efekt anësor i vaksinës AstraZeneca e shtynë Gjermaninë të radhitej ndër vendet e para që pezulluan vaksinimin me AstraZeneca. Pa asnjë konsultim, presidenti i Këshillit Europian, si shumë zyrtarë të tjerë të BE-së, mbajti të njëjtin qëndrim. Vendimi shkaktoi një reaksion zinxhir që jo vetëm zbuloi kaosin e programit të vaksinave, por minoi vetë institucionet që e drejtojnë atë. Vende të tjera u ndien të detyruara të ndjekin shembullin e Gjermanisë dhe të ndalojnë vaksinimin, duke shkuar kundër këshillës së Agjencisë Evropiane të Barnave.

Vendimi i Boris Johnson për të rritur kapacitetin bërthamor britanik me më shumë se 40%, nga 180 në 260 koka bërthamore “Trident”, mund të interpretohet lehtësisht si një manovër e frymëzuar nga politikat e brendshme, me bazë në dashurinë e gjatë të partisë Konservatore me fuqinë bërthamore dhe politikat e fundit të Brexit. Por ky vendim ka një domethënie më të gjerë. Ai reflekton ndryshimin e shpejtë të mjedisit ndërkombëtar bërthamor dhe priret ta përkeqësojë atë.

Ndarjet që krijoi Covid-19 sapo nisi të përhapet në fillim të vitit të kaluar, tani po i thellon vaksina. Shumë vende të BE-së pezulluan përdorimin e AstraZenecas, vaksina e Oksfordit, për shkak të disa rasteve të mpiksjes së gjakut, që u regjistruan te të vaksinuarit. Konkluzioni i Agjencisë Europiane të Barnave, një ditë më parë, se AstraZeneca është e sigurt si imunizuese, bëri që të rifillonte fushata në disa prej tyre.

Një deputet i CSU-së në Bavari dhe dorëheqjen pas akuzave për konflikt interesi, që lidhet me fushatën e ish-kryeministrit maqedonas, Nikolla Gruevski, pesë vjet më parë.   

Tobias Zech, nga radhët e CSU, partia motër e partisë CDU të Angela Merkel, u dorëhoq të enjten, raportuan Passauer Neue Presse dhe Münchner Merkur.

Siria akuzon SHBA-të se po plaçkitin burimet e naftës në vend. Ministri sirian i Naftës dhe Burimeve Minerale, Bassam Tomeh, tha për televizionin al-Ikhbariyah në Siri, se SHBA kontrollon 90 për qind të rezervave të papërpunuara në verilindje të Sirisë të pasur me naftë.

"Amerikanët dhe aleatët e tyre ia kanë vënë syrin naftës siriane dhe cisternave të saj njësoj si piratët", është shprehur ai.