Një vizitë e presidentit malazez Milo Gjukanoviç në Kroaci dhe takimi i tij me homologun kroat, Zoran Milanoviç është interpretuar në Serbi si shenjë e rritjes së antiserbizmit në rajon. Media B92, citon diplomatin serb, Zoran Milivojeviç sipas të cilit deklarimet e dy presidentëve lidhen me pozitën e tyre të dobët brenda vendeve respektive.

Franca ka tërhequr ambasadorët e saj në Shtetet e Bashkuara dhe Australi për konsultime, për shkak të "gravitetit të jashtëzakonshëm" të shpalljes së partneritetit strategjik midis Uashingtonit, Londrës dhe Kanberrës, që çoi në anulimin nga ana e Australisë e një marrëveshjeje të madh. Kjo e fundit parashikonte blerjen e nëndetëseve franceze nga Australia. Vendimin për tërheqjen e ambasadorëve e konfirmoi ministri Jean-Yves Le Drian.

Ikona gjeorgjiane e shahut Nona Gaprindashvili ka paditur për shpifje platformën Netflix. Gaprindashvili thotë se është portretizuar në mënyrën e gabuar në serialin e suksesshëm “The Queen's Gambit”.

Rasti i referohet një sekuence në episodin përfundimtar të dramës, ku thuhet se Gaprindashvili, aktualisht 80 vjeçe, nuk kishte bërë kurrë një garë shahu me burra.

Dokumenti thotë se deri në vitin 1968, viti në të cilin është vendosur episodi, ajo ishte përballur me të paktën 59 lojtarë meshkuj.

Certifikata e vaksinimit me të cilën u pajisën 238 mijë qytetarë deri në 15 shtator përmes portalit e-Albania, nuk do të jetë më e vlefshme. Shkak duket se është bërë njohja së fundmi e pasaportës digjitale nga bashkimi Evropian. Këtë fakt e pohon për MCN edhe zv.ministrja e Shëndetësisë, Mira Rakacolli, e cila shpjegon edhe rregullat.

Kompania e njohur farmaceutike Pfizer ka njoftuar tërheqjen nga tregu të të gjitha njësive të trajtimit kundër pirjes së duhanit për shkak të pranisë së lartë të agjentëve kancerogjenë.

Ish-zv.kryeministri Erion Braçe ka dalë në foltoren e Kuvendit të Shqipërisë për të denoncuar oligarkinë. Sesi kompani kryesore në vend shmangin detyrimet. Oligarkia pra qenka diçka e vërtetë, në formën e vet shqiptare dhe nuk na qenka një shpikje mediatike.

Zotëria është firmëtar i një sërë vendimesh të Këshillit të Ministrave, por vetëm tani, pasi e larguan nga qeveria kujtohet të bëjë oponencë. Sërish pa emra konkretë.

Presidentja e Komisionit Europian, Ursula von der Leyen, është sërish në qendër të vëmendjes për shkak të mesazheve të shkëmbyera me CEO-n e kompanisë farmaceutike Pfizer.

Avokati i Popullit për BE-në, Emily O'Reilly, ka kërkuar më shumë informacion në lidhje me këto mesazhe, pasi “New York Times” raportoi në prill për bisedat me zë dhe me mesazhe që von der Leyen kishte pasur me shefin ekzekutiv të Pfizer, Albert Bourla.

Ilir Meta zgjodhi të mos përfshihej në debatin politik që është hapur së fundmi në PD, megjithatë nuk e kurseu një koment pozitiv për Sali Berishën.

Nuk dëshiroj të merrem me çështje të tilla sepse nuk është kjo detyra ime. Sigurisht që Berisha nuk mund të rri pa e thënë… doktori është si vera, sa më i vjetër aq dhe më tërheqës e demokrat bëhet.

Vrima e ozonit këtë vit ka arritur një shtrirje më të madhe se ajo e Antarktidës, një nga më të mëdhatë në vitet e fundit. Këtë e tregojnë pamjet e marra nga sateliti Sentinel 5P, një nga rojet tokësore të programit Kopernikus që menaxhohet nga Agjencia Evropiane dhe Evropiane e Hapësirës (ESA). Të dhënat u mblodhën si pjesë e Shërbimit të Monitorimit të Atmosferës Copernicus (Cams) të Qendrës Evropiane për Parashikimet e Motit me Rreze të Mesme. Shifra vjen në 17 shtator, Dita Ndërkombëtare për Ruajtjen e Shtresës së Ozonit.

Organizata Botërore e Shëndetit (OBSH) ka pezulluar procesin e miratimit për vaksinën ruse Sputnik V, deri në përfundim të një inspektimi të ri në të paktën një prej fabrikave ku prodhohet.

Në një konferencë shtypi të Organizatës Pan Amerikane të Shëndetit, një degë rajonale e OBSH-së, nëndrejtori Jarbas Barbosa tha se oferta e Rusisë për autorizimin e urgjencës ishte pezulluar pasi janë zbuluar disa shkelje në prodhimin e vaksinës. Kjo është evidentuar gjatë një inspektimi të OBSH-së në Rusi në maj.