Irina Shayk ka 'goditur' modelet e tjera me force, duke shenuar rekord ndjekesish ne Instagram. Me mbi nje milione followers, Irina rezulton te jete nje nga modelet me popullore dhe te dashura te botes.

Në një intervistë për gazetën “Dita”, një nga figurat kryesore të së majtës, Sabit Brokaj, shpërthen në kritika ndaj qeverisjes së Edi Ramës.  Ai thotë se u nisën disa aksione të mira, por dy vjet më pas jemi ende shumë larg. “Fenomeni Lazarat, në vend që të minimizonte apo zhdukte problemin, bëri efektin e kundërt. Harta e Shqipërisë u ngjyros me kanabis nga jugu në veri. Ku është problemi? Këtu ka një anomali. Dhe anomalia ka të bëjë me thelbin e zbatimit të ligjit. Vetë politika nuk ishte e vendosur. Madje pati zëra që droga të lejohej”.

Një Atlantis i shkurtër nuk mund të jetë vetëm një mit: një studim britanik, i financuar nga Bashkimi Evropian, në fakt, ka për qëllim për të eksploruar një zonë të veçantë të detit, në të cilën mund të gjendet një qytet i famshëm i fundosur. Por për çfarë bëhet fjalë saktësisht. Ajo është një pjesë e Detit të Veriut, e cila gjendet në mes të Mbretërisë së Bashkuar dhe Danimarkës: një rrip rreth 17 mijë  kilometra katror, përcaktuar si”Dogger Banks” apo Doggerland.

Që në mëngjesin e së premtes nisi aksioni i pastrimit të Tiranës. Ndërkohë kryebashkiaku Veliaj bërithirrje për pjesëmarrje. Ashtu siç ishte paralajmëruar, Bashkia e Tiranës ka nisur në orët e paradites së të premtes aksionin për pastrimin e qytetit. Kryebashkiaku Veliaj zgjodhi njësinë administrative të Farkës për të nisur këtë aksion. Ai u bëri thirrje qytetarëve që të dalin të “japin një dorë” në pastrimin e kryeqytetit.  “U bëj thirrje të gjithë qytetarëve që të dalin. Na duhet vetëm një orë kohë e gjithësecilit prej jush për të patur një qytet më të pastër.

Le ta pranojmë, meshkujt për sa i takon respektimit të trupit, janë objektivisht më pak të vëmendshëm sesa femrat. Megjithatë, shumë shpesh, pas shenjave që mund të duken të parëndësishme ose kalimtare, mund të fshihen probleme: për shembull kur bie dëshira seksuale, enjte të gishtave apo pjesëve të shputave të këmbëve nga teprimi me alkoolin. E në vazhdim, ja cilat janë nëntë simptomat që djemtë nuk duhet t’i injorojnë kurrë.

Nuk është mirëpritur nga stafi mjekësor nisma e Kryeministrit për të kaluar sërish Spitalin e Traumës dhe Shërbimin e Emergjencave Civile, në varësi të Ministrisë së Mbrojtjes. “Panorama” shkruan se pas urdhrit të lëshuar, ku propozohet rikthimi i Qendrës së Traumës në Spital Ushtarak, gazeta kontaktoi një pjesë të mjekëve për të mësuar se çfarë mendojnë mbi këtë iniciativë. Ndonëse kanë preferuar të mbeten anonimë, ata kanë argumentuar se kjo nuk sjell asgjë tjetër veçse pasoja negative, që më së shumti reflektohen në cilësinë e shërbimeve.

Vrulli i aksionit antiinformalitet, deri tek deklaratat ekstreme të kryeministrit se kjo është luftë, i kanë çoroditur jo pak bizneset. Në një shkrim të botuar nga “Monitor” thuhet se këtu nuk bëhet fjalë për ato sipërmarrje, që dolën bllof dhe u detyruan të ulin qepenat, por për biznese që deri tani kanë qenë në rregull me shtetin, të cilat për shkak të natyrës së tyre specifike të biznesit, që lë shteg për interprtime ligjore, tremben se mund të bëhen pre e gjobave, apo dhe sekuestrimeve të mallit, tashmë që pritet të fillojnë kontrolle të organizauara nga e hëna.

Kryeministri i Hungarisë, Viktor Orban, e gjykon fluksin e refugjatëve në Evropë, që janë në shumicë myslimanë, si një kërcënim për identitetin kristian të Evropës, në një artikull të publikuar sot, një vizion i hedhur poshtë nga kancelarja gjermane Angela Merkel.  “Nuk duhet haruar se ata që po vijnë… janë përfaqësues të një kulture krejtësisht ndryshe”, thekson Orban në këtë artikull të publikuar në të përditshmen gjermane “Frankfurter Allgemeine Zeitung” . “Në shumicë, ata nuk janë kristian por myslimanë.