Kriza e fundit në Gjirin Persik, ku Katari i është nënshtruar një embargoje të drejtuar nga Arabia Saudite, arrin në pika të reja. Sky News Arabia, një televizion që zotërohet pjesërisht nga familja mbretërore në Emiratet e Bashkuara Arabe, ka njoftuar publikimin e një dokumentari të quajtur: “Katari…rruga për në Manhatan” sipas të cilit akuzohet shteti i vogël arabik si përgjegjës për sulmet e 11 shtatorit. Ai përqendrohet në vizitën e Khalid Sheikh Mohammad në Katar në vitin 1996 si dhe mbështetjen që ky i fundit i dha personit në fjalë.

Kryeministri Edi Rama ka shpërndarë sot në profilin e vet në Facebook një shkrim të presidentit të Serbisë, Aleksandër Vuçiç, i cili u bën thirrje serbëve që të nisin një dialog të brendshëm për Kosovën. I vlerësuar si një hap që do të çojë patjetër në njohjen e Kosovës si shtet, Vuçiç po synon të neutralizojë kundërshtitë iracionale, duke nënvizuar disa herë se “Serbia nuk është më e dobët”.

Reportazhi i realizuar nga Spiegel, ka sjellë edhe këtë foto që rrezikohet të jetë e shkuara, nëse HEC i Poçemit do të ndërtohet. 

http://www.spiegel.de/wissenschaft/uebermorgen/albanien-der-vjosa-fluss-...

Prej disa ditësh po denoncohen në disa media por edhe nga politikanë të ndryshëm në PD, raste të prekjes së votës në procesin e votimit për kryetar të PD-së. Zgjedhjet e mbajtura më 22 korrik vijnë kështu përtej farsës së tyre si një proces të cilit i mbivendosen akte që dyshohen se kanë manipuluar vullnetin e zgjedhësve të partisë.

Shikoni se çfarë thotë në emisionin “Fol me mua, fol me ata” në TVSH, deputeti i Partisë Demokratike, Ervin Salianji.

“Ne patëm ministra teknikë, por jo drejtorët. Ata bënë ç’është e mundur që votat të mos vidheshin. Njëra nga palët në marrëveshje shpërdori besimin. Rama s’iu përmbajt marrëveshjes”.  

Ky është një nga ata që "mbijnë" në politikë. Çfarë përfaqëson ky zotëri për shoqërinë përveç preferencës nga Lulzim Basha, di njeri ta thotë?

Campi Flegrei – Fushat që  digjen – po rizgjohen. Është fjala për një zonë në gjirin e Napolit në Itali poshtë të cilit ndodhet një supervullkan që po jep shenja jete pas një “gjumi” të gjatë. BBC-ja i kushton një shkrim të gjatë kësaj çështjeje që është shqetësuese. Qeveria italiane u detyrua të rrisë nivelin e kërcënimit nga supervullkani në fjalë në dhjetor të vitit 2016.

Në një opinion publikuar në “Project Syndicate”, Chris Patten, ish-komisioner i BE-së për punët e jashtme, flet për krizën morale të BE-së. Sipas tij politika e unionit po tregëton modelin e të mirave material për të humbur busullën e orientimit moral në një botë që ka përherë e më shumë nevojë për një Europë të fortë.

Patten, e cilësin këtë reduktim të projektit europian duke e quajtur “bashkim doganor I glorifikuar”, ndërkohë që vende si Kina, Turqia dhe më afër, Hungaria apo Greqia, po ofrojnë ose po lëvizin në kërkim të alternativave.

Kërkues nga universiteti Brown në SHBA sugjerojnë se nëntoka e Hënës mund të ketë sasi të madhe uji. Ata aknë shfrytëzuar të dhëna satelitore për të studiuar depozitat piroklastike në satelitin natyror të Tokës, që konsistojnë në shtresa shkëmbore të formuara nga shpërthime të mëdha vullkanike. Më herët janë identifikuar gjumë të ujit akullnajor në polet e Hënës, por uji për të cilin flasin kërkuesit e Brown është krijuar me gjasë nga hidrogjeni që vjen nga erërat diellore.

Bujar Nishani ka dorëzuar sot detyrën e Presidentit të Republikës. Pas 27 vite pluralizëm dhe 19 vjetësh me Kushtetutën që sanksionon Republikën Parlamentare, është koha që të nisë e të shkruhet një historik i këtij institucioni që edhe sot e kësaj dite vuan mungesën e një ligji organik dhe traumën e linçimeve juridike të vazhdueshme.

Nishani ka preferuar ta mbyllë detyrën me një fjalë ku dominonte në përmbajtje fryma e realizmit.