Kandidati i opozitës për Bashkinë e Himarës, Petro Gjikuria, thotë se në zgjedhjet e 4 gushtit mijëra qytetarëve të Himarës iu mohua e drejta e votës. Kjo sepse lista e zgjedhësve u transformua për ta vënë atë në funksion të fitores së kundërshtarëve. Në një mesazh pas shpalljes së fitores së rivalit Vangjel Tavo, Gjikuria shprehet se gara e tij ka qenë e ndershme dhe në frymën e betejave të himariotëve në vitet e fundit.

Turqia do të depozitojë një kallëzim ndaj Izraelit në Gjykatën e OKB-së të Drejtësisë Ndërkombëtare. Akti pason një të tillë të ngjashëm të Afrikës së Veriut, për të cilin u fol se madje do të lëshohej urdhër arresti ndërkombëtar edhe për Beniamin Netanyahun, kryeministrin e Izraelit.

Ne do të depozitojmë këtë të mërkurë në Gjykatën Ndërkombëtare të Drejtësisë dosjen tonë mbi Izraelin që të mund të marrim pjesë në gjyq

citojnë mediat Ministrinë e Jashtme turke.

Litiumi është kryefjala politike e Serbisë këto kohë. Materiali ka ardhur në vëmendje dhe në qendër të debatit politik për shkak të një marëveshjeje mes qeverisë serbe dhe kompanisë “Rio Tinto” për shfrytëzimin e rezervave në Jadar, duke e shoqëruar këtë me një mbikëqyrje gjermane dhe marrëveshje tregtimi në Gjermani. Më tej akoma, qeveria serbe ka rënë dakord për prodhimin e Mercedezit në Serbi me bateri, një hap ky me rëndësi shumë të madhe ekonomike që e inkuadron vendin në listën e ekonomive më premtuese.

Athina zyrtare duket se është vënë formalisht në lëvizje për “integritetin e procesit zgjedhor të Himarës”.  Mediat greke citojnë burime qeveritare sipas të cilave:

Parimet demokratike dhe standardet europiane kërkojnë që autoritetet shqiptare të adresojnë shqetësimet për mohimin e të drejtës së votës për shkak të kartave të skaduara

Mbështetja e aleatëve për Kosovën është zbehur. Kështu është shprehur presidenti kroat, Zoran Milanoviç, një mik politik i botës shqiptare në Ballkan dhe një njohës i relacioneve rajonale. Krahasuar me Kroacinë, Kosova përfaqëson për fat të keq rastin e kundërt:

Korea e Veriut ka zhvendosur 250 lëshues raketash, përfshirë ato me kapacitet të lëshimit të raketave me mbushje bërthamore, në kufi me Korenë e Jugut.

Lideri koreanoverior, Kim Jong Un ka mbajtur me këtë rast një fjalim gjatë të cilit vuri në dukje se:

këto janë armë taktike sulme të përditësuara, të cilat i kam projektuar unë

Veprimi është interpretuar nga Seuli si një masë shantazhi ose eventualiteti përdorimi në disa drejtime, por me kufizimet teknike përkatëse.

Andi Bushati e interpreton episodin e zgjedhjeve në Himarë si moment përcaktues të tranzicionit, duke i parë ato si manifestim i një represioni të vazhdueshëm dhe strukturor që ka diktuar mandej votën e njerëzve në Himarë. Mesazhi është që vota nuk e bën më ndryshimin, kështu që njerëzit do bëhen të gjithë me Edi Veremin. Po Beleri si fitoi atëherë? Mos vallë ka njerëz që dinë dhe punojnë për të fituar?! Mos vallë këmbimi Këlliçi- Alimehmeti do çojë përherë në humbje?

Anthony Blinken, sekretar i Departamentit Amerikan, ka njoftuar vendet anëtare të G7 se Irani do të sulmojë Izraelin në 24 orët e ardhshme. Në sulm sipas tij do të përfshihet edhe lëvizja Shiite Hezbollah. Raprezaljet iraniane lidhen me vrasjen e kreut të Hamas, Ismail Hanniyeh në Teheran që thuhet se u likujdua në të njëjtën kohë me inaugurimin e presidentit të ri Iranian, Masoud Pezeshkian.

Ambasadorja japoneze në Tiranë, Kikuko Kato, sheh mundësi të mëdha bashkëpunimi mes dy vendeve në disa fusha. Në një intervistë për MCN TV, ajo shprehet se që prej hapjes së ambasadës japoneze në Tiranë 7 vjet më parë, bashkëpunimi mes dy vendeve është rritur, duke ngjallur interesin e bizneseve japoneze për vendin tonë.

Kato theksoi se qeveria japoneze po konsideron heqjen e vizave me Shqipërinë, pas kërkesës zyrtare të qeverisë shqiptare.

Zv.ministri i Jashtëm rus, Sergey Ryabkov ka deklaruar se nisur nga veprimet e Perëndimit, momenti që Rusia do të dislokojë armë bërthamore.

E konfirmoj, nëse - komandanti epror i Forcave të Armatosura të Ushtrisë Ruse, Vladimir Putin – nëse ushtria jonë thotë se ne kemi nevojë për municion special mbi transportues të caktuar, atëherë kjo do të bëhet. Por ata do ta marrin këtë vendin bazuar në një gërshetim faktorësh. Nuk përjashtoj që do të vijë momenti kur do të ketë një nevojë të tillë