Banka Botërore ka paralajmëruar 108 vende të monitoruara prej saj se ato rrezikojnë të kapen në atë organizata e quan “kurthi i të ardhurave të mesme” nëse nuk adoptohen reforma radikale rritjeje për ekonomitë e tyre. Mes vendeve të listuara përfshihen Kina, India, Brazili dhe Afrika e Jugut. Raporti i Zhvillimit Global merr në konsideratë një ecuri të 50 viteve të fundit, që sipas BB-së ka sjellë një sërë vendesh në ekonomi më të fuqizuara, por që sollën të ardurat në nivelin e 10% të të ardhurave të SHBA, ose 8000 dollarë.

Ka nja dy ditë që PD-ja e Penxheres akuzon kryeministrin se ka marrë nja 22 ha tokë në Vuno duke bërë ca ndërhyrje ligjore për të përshpejtuar apo përfituar pronën. Penxherja nuk ka thënë deri më tani nëse z. Rama i ka tjetëruar këto prona, apo i ka trashëgim dhe thjesht ka ecur përpara shpejt për t’i marrë se helbete i la 60 e i duhen ca saraje andej nga Bregu.

Rusia ka legalizuar prodhimin e kriptomonedhës. Vendimi u mor nga Këshilli i Federatës Ruse, pas nismës së një grupi deputetësh të udhëhequr nga kryetari i Komitetit të Dumës Shtetërore për Tregjet Financiare, Anatoli Aksakov.

Dokumenti iu dorëzua Dhomës së Ulët për shqyrtim në nëntor 2022 dhe në prill 2024 dhe versioni i rishikuar i tij iu dorëzua Dumës së Shtetit, raporton agjencia e lajmeve TASS.

Rusia dhe SHBA kanë vënë në zbatim marrëveshjen e fundit për shkëmbimin e të burgosurve, më e madhja e këtij lloji që nga fundi i Luftës së Ftohtë. Shtëpia e Bardhë deklaoi se për arritjen e saj në negociata është përfshirë edhe Gjermania dhe vende të tjera.

Turistët britanikë duket se do të braktisin një prej ishujve më të frekuentuar të Greqisë, për shkak të mbipopullimit gjatë sezonit. Në mediat britanike, ata raportojnë përvoja aspak të këndshme nga pushimet në Santorini.

Ata thonë se mijëra turistë zbarkojnë njëherësh në ishull dhe më pas turma të mëdha ngjiten drejt majës, nëpër rrugët e ngushta për të shijuar perëndimin. Rrugët e ishullit tejmbushen në ngjitje dhe në zbritje duke shkaktuar vonesa edhe në nisjen e anijeve turistike që i sjellin njerëzit aty.

Qarkullon në rrjetet sociale një video e shkurtër e një diskutimi – nëse quhen të tilla këto – në studion e “Të Paekspozuarit”. Ylli Rakipi, moderatori i këtij emisioni, duke dashur të ilustrojë se në këtë vend çdo gjë është e kapur, solli si shembull koqet e dashit. Që sipas rrëfenjës së një plaku të mençur, i cili iu kujtua Rakipit në atë çast, provojnë se asgjë nuk është e pavarur.

Ja, edhe ato tunden lirshëm e duken fare të pavarura, por po të ulësh kokën poshtë, e sheh se ato diku varen.

Guvernatori i Bankës Qendrore të Maltës, Edward Scicluna, ka dhënë dorëheqjen nga detyra për shkak të një vendimi gjykate që e inkriminon atë penalisht. Vendimi lidhet me privatizimin e një spitali në vitin 2015, kur Guvernatori ishte ministër i Financave dhe ai ka çuar në largim nga detyra edhe të ish-zv.kryeministrit Chris Fearne në muajin maj.

Një ditë më parë presidenti i Republikës Bajram Begaj kërkonte nga Kuvendi i Shqipërisë heitm paralmentar për Bankën e Shqipërisë rreth skandalit të mikrokredive. Në një letër drejtuar legjislativit ai ndër të tjera shprehet:

Në mars të vitit 2016, Banka e Shqipërisë njohu gjendjen e faktit (shoqëritë e mikrokreditit kishin blerë kreditë me probleme të bankave, pa kërkuar lejen e BSH-së) dhe vendosi ta ligjërojë praktikën, duke modifikuar rregulloren. Por ky rregullim dëshmonte inkoherencë.

“Sa njerëz gjen që kanë përjetu përndjekje, pjesëmarrje në luftë, fitore, shpallje pavarësie, kualifikim të kombëtares së vet për herë të parë në histori në kampionatin europian?! Dikush e përjeton njërën, por s’e përjeton tjetrën. Unë i kam përjetu krejt në një jetë, pavarësisht se thonë, që jeta asht e shkurtër, asht dhe e gjatë”. 

Të pasurit e një qëllimi në jetë mund të jetë çelësi i jetëgjatësië. Studimi i të ashtuquajturave Zona Blu, rajone të njohura për numrin e lartë të njëqindvjeçarëve ka identifikuar nëntë elementë që ndikojnë në jetëgjatësi. Në rajone si Sardenja në Itali, Okinawa në Japoni dhe Loma Linda në Kaliforni, numri i atyre që i kanë kaluar 100 vjeç është shumë më i lartë se në vendet e tjera.