Projekti "Shkupi 2014"/ Kozmonauti rus Juri Gagarin përjetësohet në një përmendore

Kozmonauti rus Juri Gagarin do të ketë përmendoren e tij në kryeqytetin maqedonas. Agjensia INA shkruan se kjo vjen pas gjithë përmendoreve masive të “Shkupi 2014”. Përmendorja e tij do të vendoset në komunën e Karposhit në pjesën qendrore të kryeqytetit, ndërsa ajo vendoset me kërkesë të Ambasadës së Rusisë në Maqedoni. Vendosja e kësaj përmendoreje është përkrahur nga gjithë këshilltarët e kësaj komune në Shkup. Gagarin është i njohur si njeriu i parë që  më 12 prill 1961, me anijen kozmike "Vostok 3KA-3" udhëtoi në hapësirë, dhe i pari që e përshkoi orbitën e tokës. INA shkruan gjithashtu se dukuria e vendosjes masive të përmendoreve në Shkup, sidomos ato të projektit "Shkupi 2014" ka pushtuar mediat botërore, duke u konsideruar si vendi ku derdhen miliona euro për përmendore dhe objekte me stil të vjetër arkitektonik, derisa qytetarët po jetojnë në kushte të krizës sociale dhe ekonomike.

L.V