News 24 thotë se gazetarit të saj Artur Çani i është bërë atentat. Vrasësit i bllokohet pistoleta me silenciator

Gazetarit Artur Çani kanë tentuar t’i bëjnë një atentat, njofton televizioni ku punon Çani, News 24. Sipas televizionit në fjalë, Çanit i kanë zënë pritë para pallatit ku jeton, nga një person i maskuar, që kishte një pistoletë me silenciator. Por, sipas News 24, atentati ka dështuar, pasi personit të maskuar i është bllokuar pistoleta në momentin që do qëllonte.

Për momentin nuk dihen motivet dhe autorët e tij.

a.k