Tritoli në Tiranë, 7 në pranga mes tyre i dyshuari si autori i shpërthimeve

Policia arreston një shtetas i cili dyshohet të jetë autor i shpërthimeve në Tiranë. Në pranga ka përfunduar Alfred Qefaliaj, 30 vjeç banor në Linzë, fshat në periferi të kryeqytetit. Më herët policia ndaloi edhe një shtetas tjetër, i cili dyshohet se ka dijeni për shpërthimet e ndodhura në Tiranë tri ditë më parë. Aktualisht Emirjan Gjuta po merret në pyetje lidhur me ngjarjet që tronditën kryeqytetit. Policia e Tiranës ka ndaluar mbrëmjen e djeshme 7 persona. Ndërkohë gjatë 72 orëve të fundit janë çaktivizuar bomba me tritol, por më e rënda prej tyre ishte ajo pranë shkollës "Petro Nini", ku njësia antieksploziv bëri të mundur çaktivizimin e një bombe që jo vetëm ishte mjaft e fuqishme por ishte e pajisur me gozhdë dhe saçme, e cila nëse shpërthente do të shkaktonte dëme të mëdha në njerëz. Mëngjesin e 10 shkurtit Tirana u gdhi në panik prej dy shperthimeve; i pari në në farmaci pranë QSUT-së, pronë e babait të ministrit të Brendshëm Saimir Tahiri dhe i dyti në sheshpushimin e një pallati, pranë apartamentit të një komisari policie.

l.v