F. Balliu "jep" disa nga kandidatët e PD-së për Tiranën: E. Selami, G. Pollo dhe A. Imami. Nga PS-ja "tremb Bashkim Fino". "Shpëtim Gjika ka mbetur si Beqir Balluku”

Fahri Balliu, botues i gazetës “55” dhe një njeri i afërt me PD-në, ka qenë sot i ftuar në studion e Rezear Xhaxhiut, ku ka përcjellë disa komente dhe vlerësime për situatën politike në vend. Meqenëse po afron fushata e zgjedhjeve, me interes është mendimi mbi emrat dhe kandidatët. I pyetur për Shpëtim Gjikën, Balliu tha se “ai veproi gabim, në mënyrë partiake dhe tani që e braktisi partia, mbeti vetëm si Beqir Balluku”. I pyetur për kandidaimin e Lulzim Bashës, Balliu bëri një sugjerim të atypëratyshëm: “Absolutisht më i miri. Madje partitë duhet të mblidhen dhe të vendosin që ai duhet të vazhdojë”. I pyetur se cilin do të votonte në një kandidim eventual për Tiranën, botuesi i “55” përmendi Eduart Selamin, Arben Imamin, apo edhe Genc Pollon. Kush kandidat i të majtës tremb më shumë? “Bashkim Fino”. Balliu është një njeri afër drejtimit në PD dhe vlerësime të tilla fitojnë një karakter politik, sado sipërfaqësor, edhe pse këto mund të jenë gjykime ngushtësisht personale. s.z