Lagarde: Rimëkëmbja e largët. Europa me union monetar

Rimëkëmbja globale është ende larg. Pohimi vjen nga kreu i Fondit Monetar Ndërkombëtar, Christine Lagarde e cila deklaroi se rritja e këtyre gjashtë muajve të parë të vitit ka qenë më e ngadaltë nga ç?kishte parashikuar FMN.
 "Ne në mënyrë të qartë ende parashikojnë një rimëkëmbje graduale, por rritja globale që ne kemi parashikuar 12 muaj më parë, e që e kemi rishikuar në rënie gjashtë muaj më parë, ka të ngjarë të jetë më e dobët se sa e kishim parashikuar. Ajo që është karakteristike është se parashikimi ynë ka tendencë në rënie, në 12 muajt e fundit, prirja është në rënie"- tha Lagarde. 
 Faktori më i madh që rëndon mbi ekonominë botërore është  pasiguria e investitorëve mbi hapat që do të ndërmarrin politikanët në ekonomitë e zhvilluara,  vëren Lagarde.

Në korrik, FMN dha një projeksion të rritjes globale për vitin 2013 në 3.9 për qind, por la të pandryshuar vlerësimin për 2012 parashikimin në 3.5 për qind.
 Lagarde tha se pasiguria në lidhje me krizën e borxhit në zonën e euros ishte rreziku më i madh për ekonominë botërore, por mundësia e një të ashtuquajturi "shkëmb fiskale"  çka nënkupton zvogëlime të shpenzimeve automatike qeveritare dhe skadimi i ligjit mbi reduktimin e taksave vitin e ardhshëm në Shtetet e Bashkuara përbente ende një rrezik. 
 FMN vlerëson se tashmë ka dhe dëshmi të qarta të një ngadalësimi në ekonomitë në zhvillim, dhe "shqetësim të madh" në vendet e varfra rreth rritjes së çmimeve të ushqimit dhe çmimet e mallrave, tek të cilat ndikon dhe tensionet në situatën e  tranzicioneve në gjithë Lindjen e Mesme.
 Lagarde tha se tregjet financiare janë nxitur nga vendimet e fundit mes liderëve europianë për të adresuar krizën e euro zonës dhe tani duan të shohin masat e zbatuara në mënyrë të koordinuar.
 Ajo përsëri i bëri thirrje Evropës të ndërmarrë hapa drejt një bashkimi bankar. "Vazhdojmë të besojmë se ky bashkim duhet të fillojë sa më shpejt që të jetë e mundur në mënyrë që të thyhet rrethin vicioz midis bankave dhe sovranëve", tha ajo.
 Nga Shtetet e Bashkuara, Lagarde kërkoi qartësi politike dhe veprime konkrete për të shmangur te tjera tensione në politikën fiskale në fillim të vitit të ardhshëm, por dhe një plan konkret për ulur gradualisht borxhin. Albanian Screen