Elbasan, Meta: Bashkëpunimi, rruga drejt BE

Kreu i Lëvizjes Socialiste për Integrim, Ilir Meta nga Elbasani përsëriti edhe njëherë mesazhin e për bashkëpunim, me qëllim afrimin Shqipërisë me Bashkimin Evropian.

Meta ishte i pranishëm në një takim me qytetarët e Elbasanit, ndërsa tha se LSI është e gatshme të bëjë aleancë me të gjithë ata që hapin vende të reja pune, me të gjithë ata që duan që Shqipëria të ecë në rrugën e integrimit.

“Ka vetëm një rrugë për të ecur drejt integrimit, është bashkëpunimi. Domosdoshmëria e bashkëpunimit  imponohet nga dashuria për qytetarët e Elbasanit dhe të gjithë Shqipërisë. Bashkëpunim që Shqipëria të marrë statusin që meriton dhe të mos bllokohen projekte të cila do të hapin vende të reja të punës.”- tha Meta.

Retorikën nacionaliste të kohëve të fundit, Meta i cilësoi boshe, ndërsa shtoi, se patriotizmi më i mirë nuk është të merremi me të kaluarën, por shërbimi më i mirë është të punojnë realisht dhe konkretisht për integrimin e vërtetë të Shqipërisë, pasi sipas tij,

vetëm kjo rrugë e lartëson dinjitetin e shqiptarëve, edhe në Kosovë, Maqedoni, Mal të Zi, Preshevë dhe kudo ku janë.

Meta tha se Shqipëria duhet të jetë një shembull pozitiv për të gjithë rajonin

PANORAMA