“Gërdeci”, para shtesë për familjet e dëmtuara

Këshilli i Ministrave ka vendosur sot dhënien e nj fondi shtesë për familjet e prekura nga shpërthimi i vitit 2008 në Gërdec.

Në vendimin e sotëm të këshillit të Ministrave thuhet se; “Bashkisë Vorë, në buxhetin e vitit 2013, t’i  akordohet fondi shtesë prej  13 018 800 (trembëdhjetë milionë e tetëmbëdhjetë mijë e tetëqind) lekësh, për dhënie ndihme financiare familjeve të dëmtuara nga aksidenti teknologjik i datës 15.3.2008 në fshatin Gërdec.”

Këto para do të shkojnë për pagesën e qirave të banesave dhe të dëmeve të shkaktuara nga mospërdorimi i tokave e kulturave bujqësore, që ndodhen brenda perimetrit 300 ml rreth kraterit, e cila ishte shpallur si zonë e sigurisë së lartë, për vitet 2011 dhe 2012.

Ky fond, sipas qeverisë do të përballohet nga fondi rezervë i Këshillit të Ministrave dhe  vendimi hy në fuqi menjëherë

PANORAMA