OKB: 10.5 milionë fëmijë punojnë si shërbyes

Rreth 10.5 milionë fëmijë në mbarë botën punojnë si shërbyes në shtëpitë e njerëzve të tjerë dhe nganjëherë në kushte të rrezikshme ose të ngjashme me skllavërinë. 

Shifra eshte bere publike sot, në Ditën Botërore kundër Punës së Fëmijëve, nga Organizata për Punë e Kombeve të Bashkuara.

Nderkohe qe ne vendin tone, sipas CRCA, raportohet se punojne mbi 50 mije femije. 

Raporti thotë se 6.5 milionë fëmijë punëtorë janë në mes të moshës 5 dhe 14 vjeç, ndërsa më shumë se 71 për qind janë vajza.

Po sipas raportit, familjet në zonat rurale të Pakistanit dhe Nepalit janë nganjëherë të detyruara të dërgojnë fëmijët e tyre të punojnë në shtëpitë e njerëzve të tjerë, për të paguar borxhet.

Organizata për Punë vë në pah se probelmi është veçanërisht i rëndë në Afrikën sub-sahariane. Ajo thotë se fëmijët, që janë të detyruar të pastrojnë, gatuajnë dhe bëjnë detyra të tjera jashtë shtëpive të tyre, janë të cenueshëm ndaj dhunës fizike, psikologjike dhe seksuale.

PANORAMA