Tri vatra zjarri në pak orë, nuk ka të lënduar

TIRANE- Tri vatra zjarri brenda pak orëve janë regjistruar sot në kryeqytet. Fatmirësisht nuk ka patur njerëz të lënduar në asnjërin prej rasteve. Zjarri i parë  u raportua në Bathore, dhe me ndërhyrjen e zjarrfikësve  u bë e mundur lokalizimi i shpejtë.

Ndërkaq, vendgrumbullimi i plehrave në Kamëz u përfshi nga flakë të mëdha, duke shkaktuar ndotje të mëdha në zonë. Tre makina zjarrëfikësve janë përfshirë në aksion për fikjen e zjarrit, i cili vazhdon ende në këto momente.

Një tjetër vatër zjarri është raportuar edhe në zonë  e spitalit Nr.5 në kryeqytet, brenda tregut të rrobave të përdorura. Zjarrëfikëset janë në vendngjarje dhe po punojnë për izolimin e flakëve.]

Ende nuk ka të dhëna lidhur me shkaqet që kanë shkaktuar zjarret.

PANORAMA