Vranë e dogjën dy viktimat nga Kruja, ndalohen dy të dyshuar, dy në kërkim.

Gëzhoja armësh dhe njolla gjaku janë gjetur në banesën ku dyshohet se ëshë kryer vrasja e dy personave që u gjetën të djegur në makinë në zonën e Kënetës në Durrës mesnatën e djeshme.
Policia tha se ka gjetur banesën ku është kryer krimi dhe ka sekuestruar aty prova të vlefshme për hetimin.
Burimet nga policia e Durrësit kanë thënë se nga hetimet e deritanishme janë shoqëruar 40 persona në cilësinë e të dyshuarve dhe dëshmitarëve.
Ndërkaq, sipas policisë, rezulton se në kryerjen e krimit kanë marrë pjesë katër persona. Dy prej të dyshuarve ndodhen aktualisht të shoqëruar në ambientet e policisë së Durrësit.
Dy persona nga Fushë - Kruja, Shaban Babasi dhe Artur Kasalli janë ekzekutuar me armë zjarri pistolete dhe më pas u dogjën brenda makinës së tyre.

Ata rezulton se kanë precedentë penale ndërsa policia thotë se ka shpallur në kërkim edhe dy të dyshuar për pjesëmarrje në krim.