Arrestohet 34 vjecari, autor i 10 vjedhjeve me dhunë në butiqet e Tiranës.

Policia ka vënë në pranga një 34 vjecar i cili akuzohet se ka kryer disa vjedhje me dhunë në dyqanet e kryeqytetit.

Operacioni i bluve të komisariatit nr.3 të policisë në Tiranë i quajtur  “BUTIKU”, ka vënë në pranga  Emilent Fatmir Dhepa, 34 vjec I shpallur në kërkim si autori i  disa vjedhjeve, i dënuar me parë për “Vjedhje me dhunë”.

Në sajë të hetimi disa mujor në ngarkim të tij, u dokumentua tërësisht implikimi në 10 vjedhje me dhunë i cili i realizonte nën kërcenimin e armës, në kohë e vende të ndryshme në qarkun e Tiranës.

Aktualisht nga strukturat e policisë po punohet për të dokumentuar të tjera vjedhje me dhunë të kryera nga ky shtetas, ndërkohë që materialet ju kaluan Prokurorisë së Rrethit Gjyqësor Tiranë.