Greqia përgatitet për zgjedhje të parakohshme; do të mbahen në prill

Në Greqi do të mbahen në muajin prill zgjedhje të parakohshme, pasi kjo qeveri nuk ka këllqe të përballet me pasojat e ndërhyrjeve e të reformave që po bën. Në këtë periudhë krize do duhej një maxhorancë me legjitimitet të padiskutueshëm (një që të ish produkt i një vullneti të qartë elektoral), sidomos tani që koston e masave anti-popullore “e ka paguar” qeveria e improvizuar e Papademosit.

Ndërkohë BE-ja nuk do të heqë dorë së kërkuari garanci nga udhëheqësit politikë të Greqisë që pas Prillit të respektohen një për një të gjitha zotimet e marra, pavarësisht se fiton njëri apo tjetri. Mirëpo, nga ana tjetër, ekonomia e Greqisë nuk po jep shenja këndelljeje. Përkundrazi, po mban ritmin e tkurrjes. Në tremujorin e parë të vitit 2011, tkurrja ishte 8%, në të dytin ish 7,3%, në të tretin 5%, dhe në të katërtin 7% (me tkurrje duhet kuptuar rritje negative).

Në këto rrethana, të gjithë janë duke bërë pyetjen: Ok, Greqia po bën shkurtime që të kursejë, por ku do shkohet kështu, nëse nuk merren masa që ekonomia të rritet? Do të jetë qeveria e pas-zgjedheve që do t’i japë përgjigje kësaj pyetjeje.

Re.Pu.