Hank Williams Jr. thotë se “Obama e urren Amerikën”

Hank Williams Jr. është një këngëtar country, që nuk njihet shumë në Europë, por është shumë popullor në SHBA. Të gjithë e dinë se ai nuk e ka qejf Obama-n (vjet, në programin televiziv Fox&Friends,  e krahasoi me Hitlerin), por në një intervistë për revistën Rolling Stone ai i kthehet sërish ‘armikut’ të tij. “Ky zotëri është …. Dëgjoni, më të keq nuk e bën nëna. Ky e urren Amerikën”, thotë ai.

Kur i kërkohet të bëhet më i qartë e të thotë se çfarë ka në mendje, kur e thotë këtë gjë, ai shprehet: “Kjo gjë duket, ia bën mu. Ai brodhi botën në një tour presidencial, dhe mbeti duke thënë se ‘ju kërkoj ndjesë në emër të Amerikës që ka gabuar’, e se ‘ne s’kemi asnjë të drejtë të marrim vendime pa pyetur të tjerët, pasi jemi si të tjerët, jemi thjesht 6% e popullsisë së botës’.” 

E.G.