Ekziston aparatura e përgjimit në Ministrinë e Mbrojtjes?

Në një numër gazetash të ditës së sotme i bëhej jehonë denoncimit të bërë nga opozita lidhur me një aparaturë të ministrisë së mbrojtjes, me anë të së cilës përgjohen deputetë e politikanë të PS-së, gazetarë e deri dhe ambasadorë. Përgjimet e bëra është e zorshme të provohen për sa kohë që nuk ushtrohet një kontroll në dikasterin e Imamit, por socialistët kanë dalë dje me pretendimin, se ekzistenca e aparaturës është e provuar tashmë. Taulant Balla kish publikuar në profilin e vet në facebook edhe një foto të kësaj aparature, e cila është shkrepur fshehtas – kështu thuhet – nga një zyrtar i kësaj ministrie (shihni foton që shoqëron këtë shënim). Por afërmendsh, kjo ende nuk është provë. Është thjeshtë pretendim. Të shohim se ç’prova do të na japë Balla gjatë ditës së sotme, sipas premtimit që bënte dje në facebook.

Sipas ca të tjerëve, kjo foto është marrë në google, a diku tjetër në web. Mirëpo këta të fundit nuk kanë mundur dot të japin një adresë të besueshme në internet (siti http://outsidetheorder.files.wordpress.com është si i improvizuar), ku mund ta shohim qartë e pa pikë dyshimi ne të tjerët. Rrjedhimisht, ky debat është i destinuar të vijojë.

E.G.