Një etapë e re e "socializmit të shekullit XXI"

Chavez ia ka dalë mbanë edhe një herë tjetër. Presidenti venezuelian që u ngjit në pushtet për herë të parë në 1999 ka fituar një tjetër mandat - të katërtin rresht - duke mundur Henrique Capriles, kandidatin e Mesa de Unidad Democratica (Mud) që bashkoi disa parti opozitare kundër liderit të shumëdiskutueshëm bolivarist të Venezuelës.

Sipas të dhënave zyrtare Chavez (58 vjec) me 54,4% të votave ka mundur  Capriles (40 vjec), që ka marrë 43,9%, me një pjesëmarrje në votime të jashtëzakonshme (90,94%). Mandati i ri është 6 vjet, pra Chavez ka votën për të qëndruar në pushtet deri në 2018, duke mbushur dy dekada në drejtimin e qeverisë së Caracas-it.

Nuk ndodhi "nokdauni" që Chavez paralajmëroi - (tha se do fitonte mbi 9 milion vota, mori rreth 7 milionë e gjysëm)  - por sidoqoftë është një fitore e padiskutueshme. Eshtë hapur kështu një etapë e re e "socializmit të shekullit XXI" ideuar nga lideri ish-ushtarak bolivarist. ''Grazie al mio amato 'Pueblo!. Viva Venezuela! Viva Bolivar!'' - ka komentuar Chavez via Twitter e më pas: ''Grazie Dio mio, grazie a tutti e a tutte'' (shih foton).

Rivali i Chavez, Henrique Capriles, në një konferencë për shtyp ka shprehur ''komplimentat e tij për presidentin e Republikës''. "Falënderoj më shumë se 6 milion venezuelianët që më dhanë besimin e tyre" - ka thënë lideri i opozitës.

Reagimet e para? Gjithashtu në Twitter. Nga Argjentina, presidentja Cristina Fernandez de Kirchner ka shkruar: "Fitorja e tij është edhe e jona, e Amerikës së Jugut dhe Karaibeve. Forca Hugo, forca Mercosur e Unasur!''. - A.N.

* Për shënimin u përdorën të dhëna nga agjensia ANSA
* Foto miksim: Chavez pas shpalljes së fitores - simpatizantët e tij duke festuar - dhe postimet e Chavez në Twiter