Foto Lajm: 7 anëtarët e rinj të Komisionit Qendror të Zgjedhjeve (dhe teksti i betimit të një anëtari të KQZ)

Në këtë foto të agjensisë LSA shihen 7 anëtarët e rinj të Komisionit Qendror të Zgjedhjeve, gjatë betimit sot në Kuvend. Të gjithë anëtarët e rinj janë zgjedhur pas ndryshimit të ligjit elektoral që solli edhe riformatimin e këtij komisioni.

Trupa e re qe do menaxhoje zgjedhjet e 2013-s perbehet nga Lefterie Lleshi kryetare e Komisionit (e para në të majtë) dhe anetaret Hysen Osmanaj, Albana Shtylla, Denar Biba, Vera Shtjefni, Ilirian Muho, Jani Jani. Kryetarja e re e KQZ ka qene drejtuese ne sektoret e administrates se Kuvendit dhe anetare e Keshillit te Larte te Drejtesise.

Teksti i betimit të një anëtari në KQZ? ResPublica ia kërkoi njërit prej anëtarëve të rinj dhe na u ofrua me mirësjellje. Teksti është ky:  "Betohem në nderin tim se do të angazhohem me të gjitha forcat e mia për realizimin e zgjedhjeve të drejta, të lira dhe demokratike në Republikën e Shqipërisë, do të siguroj dhe do të mbroj integritetin dhe fshehtësinë e votës, do të ruaj paanësinë në kryerjen e detyrës si anëtar i Komisionit Qendror të Zgjedhjeve dhe do të tregoj profesionalizëm në kryerjen e saj”. Re.Pu.