A kishte Meksi 'ftohtësi të moralshme ndaj kryeministrit'?

Aleksandër Meksi ka prezantuar albumin e tij për 100 vjetorin e pavarësisë, vepër e cila ishte paranjoftuar disa herë gjatë muajve të fundit. Në promovim ishte ftuar edhe Sali Berisha (në foto me bashkëautorët Meksi e Lleshi). Mediat e kanë theksuar në mënyra të ndryshme këtë prezencë. TCH i jep krahë një hamëndësimi për bashkëpunim, kurse në gazeta, kronikat flasin për një takim të ftohtë Berisha-Meksi.

Raporton televizioni TCH: "Shumë vite pas ndarjes së tyre me qëndrime politike e publike, dikur dy drejtuesit më të lartë të vendit, Sali Berisha e Aleksandër Meksi janë bashkuar sërish.Sebepi ka qenë promovimi i Albumit Fotografik për 100-vjetorin e Pavarësisë, ku ish-kryeministri i ’92-’97 është bashkëautor me Xhevair Lleshin. Nëse bashkëpunimi i tyre shkon përtej këtij aktiviteti, ky është ende hamendësim, por kreut të qeverisë iu rezervua në të një fjalim, të cilin Berisha ia kushtoi historisë... Ndryshe nga herët e tjera, kur në analizat historike të kreut të qeverisë nuk ka munguar Ahmet Zogu, këtë herë ai është anashkaluar".

Ndërsa e përditshmja "Shqiptarja.Com" jep disa detaje nga sjellja e Meksit dhe Berishës gjatë ceremonisë së prezantimit të Albumit.

Shkruan gazeta: "...Berisha edhe pse ishte i ftuar në ceremoninë e promovimit të "Albumit Historik" me autor Aleksandër Meksin dhe Xhehavir Lleshin, duket se ka qenë i pranishëm vetëm fizikisht. Me ish-kryeministrin e parë të qeverisë së PD, meksin, Berisha është mjaftuar me një shtrëngim të ftohtë duarsh. E njëjta ftohtësi edhe nga ana e ish-kryeministrit Meksi i cili gjatë gjithë kohës së aktivitetit nuk shfaqi asnjë gjest miqësor ndaj Berishës. Situata mes tyre qëndroi e ftohtë deri në fund të aktivitetit. Në mbyllje të ceremonisë Meksi qëndroi me ish-presidentët Moisiu e Meidani, ndërsa vetë kryeministri Berisha u largua nga salla me atë shpejtësi që hyri, edhe pse erdhi i fundit".

Duke iu referuar artikullit të mësipërm, në blogun Peshku Pa Ujë, një nga më të vizituarit e targetit rinor, shkruhet:
"...Duke lexuar kete artikull me vjen vetiu te mendoj se nuk ka si Meksi, antare apo ish antare te PD, jo per albumin po per qendrimin. Pse edhe nese ka apo njerez qe i perafrohen disa qendrimeve perfundojne si spiune, lakej te ulet, bukeshkale ... Epitetet vazhdojne. Por valle pse s'ka njerez qe mos te kene ngerdheshjen e ulet prej sahanlepiresi e nje ftohtesi te moralshme ndaj kryeministrit tone?" (A.Th.)
 

Raportimi i TCH:

http://www.top-channel.tv/artikull.php?id=244743&ref=fp
Raportimi i Shqiptarja.Com:
http://www.shqiptarja.com/home/1/as-100-vjetori-s-e-largon-m...

Pyetja në PPU:
http://www.peshkupauje.com/2012/10/pyetje/pse-nuk-ka-te-tjer...