Grekët shpikin metoda risi për të luftuar evazionin: “S’të japin faturën? Ik pa paguar”

Tani që vlerësimet e reja nga disa burime në Eurozonë thonë që borxhi grek në vitin 2020 të jetë 137% (pritej të qe 120%), nga ata priten reformamë të thella strukturore për të marrë ndihmën e re. Ndaj, Ministria greke e Zhvillimit do të paraqesë 89 masa, ndër të cilat një ligj të ri sipas të cilit konsumatorët në restorante, bare dhe dyqane të tjera do të largohet pa paguar nëse nuk kanë marrin një faturë të rregullt tatimore. E përditshmja greke Kathimerini raporton se kjo masë pa precedent në botë, është zgjidhja e fundit e menduar në një përpjekje finale për të zvogëluar evazionin fiskal, për të cilin Greqia zë vendin e parë  në eurozonë. Ligji mund të zbatohet shumë më shpejt, ndoshta që javën e ardhshme.

Ky ligj që të lejon të mos paguash nëse shitësi apo kamarieri “harron” të japë faturë tatimore mund të ishte një zgjidhje e mirë edhe për parajsën shqiptare të evazionit fiskal.

Për më tepër, përsëri sipas këtij ligji, baret dhe restorantet duhet ta shkruajnë dhe në menutë e tyre këtë ligj të ri të konsumit.

Deri tani, çdo përpjekje për të ulur evazionin kishte dështuar. K.C.