Jemi racë e veçantë, - thotë Rikard Ljarja, - kur jemi të pabesë, jemi deri në fund

Aktori i njohur Rikard Ljarja që tani është rreth të 70-ve ka dhënë një intervistë për Skënder Minxhozin në të përjavshmen JAVA ku flet për krizën e teatrit dhe të filmit shqiptar, por ndër të tjera i përgjigjet edhe pyetjes: “Në çfarë vendi jetojmë, si e sheh Ljarja, Shqipërinë në këtë 100 vjetor?”.

Thotë aktori: “Duke qenë një popullsi e vogël që është shtypur për mijëra vjet dhe nëpërkëmbur për shekuj të tërë, në shumë gjëra kemi ndërruar karakter por thelbin për famën që kemi, e kemi ruajtur diku thellë. Kur jemi të besës, jemi deri në fund – sepse na kanë besuar. Kur jemi të pabesë, jemi deri në fund – sepse na kanë pabesuar. Racë e veçantë, pa miq e futur si në një sanduiç, e shtypur, e shtrydhur, por herë pas here ajp bërthama shpërthen dhe del ai i vërteti, i pastri. Ai që nuk pranon të përdoret, ai që nuk shitet e nuk blihet, sigurisht që e ka të vështirë. Shpesh bëhet i tepërt për zagarët që e rrethojnë dhe ndoshta dhe eleminohet bëhet therror...” A.N.

Intervista e plotë mund të lexohet në kopjen print të JAVA-s