Braçe: Deklarata “nacionaliste” e Berishës, strategji e përbashkët me grekët për të marrë votat e nacionalistëve

Erion Braçe ka reaguar jo vetëm ndaj deklaratave “nacionaliste” të Berishës, por edhe ndaj risjelljes në vemendje të Enver Hoxhës nga Ilir Meta. Ai citohet nga Shqiptarja.com të ketë thënë: “Berisha-Meta, për t’u dukur të ndarë, njëri i djathtë e tjetri i majtë në funksion të skemës së vjetër ‘merr majtas e qeveris djathtas’: Berisha që nxjerr Gardën në varreza, atje gjendet veç LSI që shqyhen për portën, Meta triumfator deklaron se duhen njohur meritat e Enver Hoxhës meqë po njihen meritat e Ahmet Zogu; në darkë vonë Berisha del e distancohet nga Meta. Por vetëm për pak muaj sa të marrë votat e majta, pastaj dallimi për Hoxhën fshihet sa të bëjnë qeveri të përbashkët si sot.”

Braçe e ka vlerësuar deklaratën “nacionaliste” të Berishës si strategji të grekëve “për t’i dhënë e nacionalistëve që po i humbte dukshëm pas shitjes së territoreve në Jug, “vota që i duhen për të qendruar në pushtet: anulojnë vizitën e ministrit të Jashtëm, “sulmojnë” Berishën egër në shtypin e tyre, media në Tiranë porositet të publikojë “sulmet” e tmerrshme kundër Berishës, e quajnë “irredentist” e “nxitës të nacionalizmit në Ballkan”. Por, Braçe sqaron që vetëm pak muaj më parë Berisha “s’qe i tillë, ishte partner dinjitoz, shiti detin në Jug, nuk zbaton vendimet e Kushtetueses, lejoi varrezat greke në kufirin imagjinar të Vorioepirit!”

Ja.Se.