Kryeministri ‘kërcënon’ se po të jetë për poll-e, ai posedon një seri poll-esh të tjera, që e nxjerrin PD në kuotat më të larta që nga 96-a e deri sot...

Fjala e K/ministrit para grave të Lidhjes së Gruas Demokrate, ka dy momente “highlights”:

1. 1. Ajo kur shpjegon strategjinë fituese të PD në zgjedhjet e kaluara, në atë që e quan “beteja për Tiranën”, një betejë e vështirë sepse sipas Kryeministrit, “ish-kryetari i bashkisë kishte një ushtri të paguar prej 5200 vetësh, të cilët i kishte shndërruar në ushtarë që zbatonin vetëm urdhra partiakë.” Dhe nëse dikush do donte të mësonte strategjinë fituese, ajo, sipas Kryeministrit u arrit “sepse rendëm pas çdo vote. (...) Rendja pas çdo vote, takimi dere më derë me zgjedhësit është rruga me e sigurtë e një fitoreje të thellë, shumë më të madhe se dy fitoret e fundit.
2. 2. Highlight-i tjetër, është që, kur vjen puna për sondazhe, Kryeministri ka ato të “vetat” krejt të kundërta me ato që publikohen këto ditë në media: “Unë mund t’ju njoh juve me rezultate e një seri studimi e opinionesh, ato tregojnë Partinë Demokratike në kuotat më të larta që nga viti ’96 e deri më sot. Këto polle të bëra jo nga një, por disa forca kryesore politike dëshmojnë se Partia Demokratike është në një distancë të ndjeshme, forcë e parë politike ne vend, por ne nuk duhet të merremi me Pollet...”

Strategjia fituese është, poll-e fituese paska sa të duash...

k.c.