Pse heshtet për arrestimin e ish-ministrit peruan?
Mediat peruane shkruajnë se është arrestuar në Shqipëri nga Interpol Tirana për llogari të SHBA-ve Manuel Augusto Blacker Miller ish-ministri i Jashtem i ish-Presidentit Fuxhimori, i përfshirë në një grusht shteti në vitin 1992.
Gazetat e vëndit amerikano-latin nuk citojnë burimin e këtij lajmi, por vetëm arrestimin duke e veshur me mister këtë ngjarje. Misteri i këtij lajmi shtohet akoma më shumë, pasi burime zyrtare nga Ministria Brendshme i thanë Top-Channel se lajmi nuk është i vërtetë dhe se Interpol Tirana s’ka arrestuar ndonjë person me këtë emër.
Erjon Braçe në faqen e tij në Facebook akuzon direkt kryeministrin Berisha së është përfshirë në mbrojtjen e ish-ministrit të jashtëm të Perusë. Madje sipas Braçes “kryeministri Berisha e ka strehuar, e ka mbrojtur, e ka pritur e ka mbështetur dhe i ka ngritur dy biznese dy hapa larg selisë së qeverisë në bulevardin “Dëshmorët e Kombit”. Fusha e investimit të Manuel Augusto Blacker Miller lidhet me ngritjen e një impianti për djegien e mbetjeve në hyrje të qytetit të Fierit.
Nga kryeministria këmbëngulet se kompania është rekomanduar nga Kryetari socialist i Bashkisë së Fierit zoti Baftjar Zeqo jo me një, por me disa letra drejtuar kryeministrit, por dhe me mesazhe sms.
Akoma më shqetësues se “kush e solli Doruntinën” është fakti që institucionet shqiptare nuk konsiderojnë për asnjë moment se e kanë për detyrë të informojnë publikun. Fshehja e këtij fakti, është shembulli i disatë që shteti nuk konsiderohet në asnjë çast si një institucion në shërbim të qytetarit, por mbi qytetari.
Ja.Se.
Lajmi i plotë:
http://top-channel.tv/artikull.php?id=249450
Comments
C'jane keto budallalleqe?!
<p>C'jane keto budallalleqe?! ShBA - te kane vite qe e kane Dr. Blackerin ketu ne Miami. Pse duhet ta kerkojne ne Shqiperi?!</p>
Add new comment