Nëse Berisha është arkitekti i piramidave (sipas Topit) atëherë...

“Viti i mbrapshtë ’97 dhe firmat piramidale kanë për arkitekt kryeministrin Berisha”. Kjo ka qenë një ndër akuzat që kryetari i Frymës së Re Demokratike i adresoi kryeministrit gjatë hapjes së degëve të kësaj force politike në Gramsh dhe Belsh, citon portali gazetadita.al.

Kjo është një frazë e fortë, jo se tregon një të vërtetë që nuk dihej, por thuhet nga një ish-President dhe ish-njeriu numër 2 i PD-së. E keqja e piramidave është se përveçse faturës financiare, pati dhe faturë njerëzore, dhe faturë burgu për disa eksponentë. 97-a nuk mund të rivlerësohet ndryshe përveçse duke rivlerësuar dhe këto fatura.

Interesante ishte që Topi, premtoi se do të jetë gjithmonë në kontakt direkt me qytetarin dhe jo përmes bisedave virtuale, duke shigjetuar qartësisht 2 liderët e partive kryesore në vend në metodologjinë virtuale të tyre për qasjen ndaj publikut. Dhe nuk do ishte çudi që personat më të prirur për të shkuar deri tek qendra e votimit për ët hedhur votën të jenë ata që nuk jetojnë non-stop në FB.

K.C.