Ç'ka ndërmend qeveria (e tij) me "të ashtuquajturën ndihmë ekonomike"?

Kreu i Qeverise Sali Berisha, tha sot në një konferencë të prezantuar në media si "konferencë kombëtare për biznesin social" se sot jepen 160 milionë dollarë nga buxheti i shtetit vetëm për ndihmë ekonomike dhe se "nëse nje pjese te ketyre fondeve do të jepeshin ne formen e mikrokredive do te kishim me shume punesim dhe dalje te familjeve nga varferia".
Citohet Berisha nga TCH: "Qeveria ime shpenzon çdo vit për të ashtuquajturën ndihmë ekonomike 160 milionë dollarë, e cila, absolutisht, në një përqindje të madhe është një lloj shpërdorimi ekonomik,që ndahet në pjesë të barabarta atij që ka nevojë dhe atij që s’ka nevojë. Sikur një pjesë të këtyre fondeve t'i devijojmë dhe t’ua japin mikrokredi këtyre familjeve në nevojë do t’i ndihmojmë që me djersën e tyre të dalin nga varfëria, të kenë një jetë më të mirë".
Duke patur parasysh që "qeveria e tij" zakonisht e bie pragut që të hapet dera, nuk do të ishte keq që analistët e ekonomisë të na sqarojnë nëse kjo është një parathënie e ndonjë strategjie qeveritare për të tjera shkurtime në kushtet e krizës. (këtë herë tek krodhja e bukës, ndihma ekonomike).
Ne takim ndodhej edhe Muhammad Yunus, fitues i çmimit “Nobel” (në foto): "Unë mendoj se kudo ku ka një problem, mund të ngrihet një biznes për ta zgjidhur atë. Biznes jo në kuptimin e fitimit të përqendruar vetëm te një individ, por një biznes social që zgjerohet duke përfshirë persona të tjerë në nevojë, të cilët duan të punojnë", - tha Yunus. (a.th)