Ministria e Ekonomisë, Tregëtisë dhe Energjitikës censuron si në kohë të Enverit

METE, ka censuruar (të paktën) 2 herë në lidhje me çështjen CEZ. Në takimin e zhvilluar në mjediset e kësaj Ministrie, me Ambasadoren çeke, takim i kërkuar nga kjo e fundit, zyra e shtypit nuk ka denjuar ta zbardhë asnjë fjalë të Ambasadores, duke censuruar deklaratat, raporton gazeta Shqip. Zyra e shtypit ka censuruar dhe një tjetër takim, të zhvilluar në të njëjtën ditë nga Ministri me drejtoreshën e BB. Nga njoftimi për shtyp del se palët kishin folur për gjithçka, por jo për raportet me CEZ dhe garancinë 60 milionë Euro që çekët duan të marrin nga BB!

Censura bëhet për të mos na treguar se çfarë po ndodh, ndërsa duket se çekët nuk do na bëjnë ta kalojmë lehtë atë që ndodhi me CEZ. Vetë Kryeministri çek ka paralajmëruar se nuk mund ta injorojë vendimin e ERE-s, ndaj një partneri strategjik si CEZ. Ambasadorja besohet t’ia ketë përcjellë Ministrit Haxhinasto këtë shqetësim. Por Ministria, me sa duket nuk dëshiron të na shqetësojë.

k.c.