Dr. Adem Harxhi u bën një numër pyetjesh “mjekëve intelektualë” të peticioneve; dhe në fund një pyetje shtesë

Peticioni i “intelektualëve” që qortonte opozitën dhe merrte në mbrojtje pushtetin nuk ka kaluar pa vëmendje. Por më së shumti ka thithur vëmendjen e  atyre që këtë peticion e kanë përqeshur, apo që e kanë denoncuar. Më i fundit që e ka bërë këtë gjë është mjeku Adem Harxhi, që prej kohësh shkruan dhe opinione të natyrës ‘teknike’ në shtypin e përditshëm. Dhe merret vesh se këtë herë opinioni i tij nuk është i një natyre të tillë.

Harxhi shfaqet gati i befasuar nga fakti që shumë “intelektualë” ishin kolegë të tij, dmth mjekë. Nuk spekullon me motivimin e tyre për të hedhur firmën në këtë peticion, por u bën atyre një numër pyetjesh:

1. A keni parë gjetkë në Europë spitale e poliklinika si këto publiket në Shqipëri?
2. A keni parë gjetkë nëpër botë spitale, salla operacioni dhe reanimacioni pa sistem të ajrit të kondicionuar?
3. A keni parë ndonjë spital në Europë që të mos ketë ujë të ngrohtë për t’u larë të sëmurët?
4. A keni parë ndonjë spital privat a shtetëror nëpër botë, ku të sëmurët t’u futin lekë në xhep doktorëve, infermiereve, sanitareve, dhe portierëve?
5. A keni parë ndonjë spital, ku pacientët shkojnë dhe i blejnë vetë barnat?
6. Etj., etj.

Dhe në fund, e mbyllte me një pyetje çarmatosëse për “intelektualët”:  Pse ju profesorë, doktorë e mjekë nuk i bëni peticione qeverisë me synimin që këto probleme jetike të zgjidhen?

Re.Pu.