Kreshniku “tund” prangat -- përveç Berishës, edhe për Bumçin, Imamin, Boden.

Kreshnik Spahiu në emisionin Tonight të Ilva Tares në Ora News, ka paralajmëruar depozitimin e dosjeve me politikanë të implikuar në krime, ku renditi edhe emra, përveç Berishës: Bumçin, Imamin, Boden.

“PS dhe PD kanë krijuar një kulturë të tillë që amnistojnë njëri-tjetrin. AK është e vetmja parti që smerret me fëmijët dhe familjarët e politikanëve, ne smerremi me ndëshkime kolektive. Do ndërtojmë paramentrat e një drejtësise që të fusim kulturën e ndëshkueshmërisë. Në ditët në vijim ne do të denoncojmë dosje me krime kundër popullit, vendit, krime kuq e zi. Pronat, hidrocentralet, të gjitha potecilaet dhe resurset janë pasuri të vendit. Ka dosje për Sali Berishën, Aldo Bumcin, Ridvan Boden, Arben Imamin. (..) Partia jonë ka njerëz me CV të jashtëzakonshme, jemi grup juristësh, kemi dosje dhe fakte për cdo politikan jo vetëm për krimet, por edhe për spiunlliqet …”

Në lidhje me “historinë” e tij me Berishën, ai rrëfeu një tjetër karakter të kryeministrit, “mosmirënjohjen”:

“Kam qenë avokat privat i Berishës ditën që atë e arrestoi Ilir Meta, sot ai është bashkëpunëtor me të. Një ditë para vendimit të gjykatës Berisha piu verë me të. Ai është mosmirënjohës, unë që e mbrojta jam djalli, ndërsa ai që i vuri prangat është ëngjëlli” tha ai.

Kreu i AK foli dhe për Federatën e Bashkimit, dhe shpalli pritshmëritë për të dalë forcë kryesore, madje forcë e parë në Kavajë, Kamëz, Bathore, Paskuqan, Kombinat. 

k.c.