Berisha e dinte humbjen, ndaj po kujdeset vetëm për namuzin, thotë Bushati

Komenti i Andi Bushatit tek Tema online, me titull “Berisha si dënim për pasardhësin”, merret me garën e sotme në PD, si një inskenim i Berishës për t’iu shmangur pyetjeve kyçe që lidhen me qeverisjen e tij. Sipas Bushatit, Berisha e ka ditur që do t’i humbiste zgjedhjet, “dhe plani ka qenë i qartë: të dilte nga kjo lojë me sa më pak njolla dhe sa më pak akuza. Dhe pikërisht për të përgatitur këtë ditë, ai nuk u soll si një politikan modern perëndimor, që lufton deri në fund, duke mbajtur mbi vete shpresën e fitores dhe riskun e disfatës. Ai u soll me mendësinë tipike të një autokrati, që më shumë se për fatin e forcës së vet politike, mendon për portretin që do i shkruajë historia. Që më shumë se rezultati, i intereson emri që do të lërë pas. Që më shumë se njerëzit që kish hedhur në garë, i interesonin fëmijët që rrinin pas perdeve të kësaj gare”. Dhe Bushati konstaton diçka: Berisha doli të pranojë humbjen duke mbajtur mbi vete të gjitha përgjegjësitë. Por, askush ende dhe sot nuk e di se cilat qenë këto përgjegjësi.

Komentin e plotë e gjeni në linkun http://www.gazetatema.net/web/2013/07/09/berisha-si-denim-per-pasardhesin/

A.K