AK mendon se i kanë ngrënë hakun, kërkon çudinë, hapjen e kutive!...

Megjithëse e nisi me shumë pompë, Aleanca Kuq e Zi për shumë faktorë në këto zgjedhje nuk arriti të marrë asnjë deputet. Kjo lëvizje, e regjistruar si subjekt zgjedhor në zgjedhjet e 23 qershorit, dhe që u duk se do të ishte një faktor i rëndësishëm në politikën shqiptare, ende nuk është bindur se shkaqet e humbjes janë brenda dhe jo jashtë saj, ndaj dhe kërkon atë që dikur ka kërkuar Partia Socialiste dhe që i doli huq, hapjen e kutive. Kështu Sekretari Organizativ i AK, Redi Ramaj, në një konferencë për shtyp, kërkoi të hapen kutitë në 18 KZAZ-të e qarkut të Tiranës, qarkut të Vlorës, Elbasanit, Shkodrës, Gjirokastrës, Lezhës dhe Kukësit për një sërë shkeljesh dhe misteresh që përmbajnë ato brenda na kurriz të AK!...

Zh.