Shënim: Kontrata me Blair-in është ok, por ajo duhet të jetë transparente: Sa, kush e për çfarë do paguhet?
“Deri tani kemi thjesht një marrëveshje ende të pakonkretizuar me kontratë, të bazuar në dëshirën e të dy palëve për të bashkëpunuar në të mirë të Shqipërisë”, thosh Rama pas shkrimit që u publikua në të përditshmen londineze the Telegraph lidhur me një marrëveshje mes kryeministrit potencial Rama e ish kryeministrit Blair. Po ato ditë, Rama i dha munxët çdo tentative krahasimi mes kësaj marrëveshjeje dhe marrëveshjes së Podesta-ve me qeverinë “Berisha”: “Ka një ngutje të madhe, të kotë, për të bërë krahasime mes Blair-it dhe Podestá-ve, që paguhen me paratë e shqiptarëve për të dezinformuar opinionin ndërkombëtar dhe për të zbukuruar imazhin e një qeverie të korruptuar deri në palcë. Të jeni të sigurt se vullneti i Blair-it për të ndihmuar Shqipërinë nuk ka çmim për të mirat që do sjellë. Ndërsa kontrata nuk do të rëndojë hiç fare mbi buxhetin e shtetit dhe të publikut.”
Fraza e fundit është e rëndësishme: kontrata nuk do të rëndojë hiç fare mbi buxhetin e shtetit dhe të publikut. Po kush do ta paguajë Blair-in, nëse jo qeveria me paratë e taksapaguesve? Do ta marrim vesh sot, pasi të nënshkruhet kontrata mes të dyve (Rama është në Londër për këtë gjë). Nëse do duan t’na e thonë. Duhet t’na e thonë. Nuk duket se ka ndonjë të keqe ideja për ta lidhur këtë marrëveshje. Ashtu si nuk kish të keqe as në kontratën Berisha-Podestá. E keqja vjen kur nuk ka transparencë e kur palët i ikin termave të marrëveshjes. Ish pikërisht kjo që ndodhi me Podestá-në. Dmth me Berishën.
M.N.
Comments
Me sa duket Toni Bler eshte
<p>Me sa duket Toni Bler eshte figura e zgjedhur per te krijuar marredhenie te mira me Faktorin Shqiptar ne Ballkan , ose te pakten , "ata" qe e mbeshteten ne kete nisjative , kishin parasysh keto lloj zhvillimesh ! Te mos harrojme vendimmarrjen dhe prezencen e tij ne kohen e Clirimit te Kosoves (pavaresisht ecurise praktike te kesaj ceshtjeje me pas) !</p><p>Ndryshe nga Podestat etj. bashkepunetore te Sali Berishes , qe njihen boterisht si klanet proserbe ne Uashington , Toni Bler dhe grupimi i tij mbeshtetes nuk e kane nje nam te tille ! Kur them se Podestat & Co te tjere , jane proserbe , kam parasysh qellimet e vjetra dhe aktuale serbe kundrejt faktorit shqiptar ne rajon , te cilet jane te interesuar qe ky Faktor te mos zhvillohet , te mos drepeshohet dhe te mos jete kurre ne gjendje te konkuroje lobimin serb ne Ballkan ! Keto qe po them sigurisht qe jane procese dhe elemente kunderintegruese , megjitheate ato jane reale ! Madje une mendoj se vetem fuqizimi real i Faktorit Shqiptar ne rajon , do te sjelle "njohjen reciproke" si kusht paraprak , per procesin e integrimit real te rajonit ! Shkaterrimit te Shqiperise , si berthama e ketij Faktori , i sherbeu edhe Sali Berisha , i mbeshtetur fuqimisht nga Podestat & Co te tjere dhe nga serbet , duke e shmangur si faktor konkurrues real dhe me te drejta te merituara ne rajon !</p><p>Sa i takon transparences si te marreveshjeve edhe te fondeve perkatese te Kontrates me Toni Bler , Artikullshkruesi ka shume te drejte dhe une e mbeshtes plotesisht ! Eshte nje nga kushtet (transparenca) per te pretenduar per nje rilindje ! Madje une mendoj se jo vetem kontrata (me te gjithe lementet) , por dhe veprimet e pastajme per permbushjen e saj duhet te behen transparente ! Mendoj qe media te krijoje sondazhe per miratimin nga ana e publikut te kontrates apo elementeve te vecante te saj ! </p><p>Pershendetje dhe pune te mbare ! Ardhte i bardhe ndryshimi ne dobi te Shqiperise ! </p>
Sigurisht qe nje keshillim i
<p>Sigurisht qe nje keshillim i huaj, qe nuk degjeneron si ne rastin e Podesta-s, eshte i mirepritur. Po ashtu degjenerimi eshte dicka qe varet, kuptohet ne rastin e nje marreveshje te mire ne leter, ne nje mase te madhe nga formimi i qeveritarit apo qeveritareve shqiptare dhe te huajve. Problemi duhet te ishte pse T. Blair? Nuk do te ishte me i udhes nje keshilltar specialist i problemeve financiaro-ekonomike (kujtojme ketu angazhimin e Th. Waigel-it ne Maqedoni)?!</p>
ketu qendron edhe
<p>ketu qendron edhe thelbi.....</p><p>hajde z. nano se do kesh edhe me kete pune po aq sa c'pate me doktorin.</p><p>edhe ky s'eshte se do beje ndonje ndryshim nga te tjeret.</p>
me shume sesa çeshtje
me shume sesa çeshtje konsulence, eshte çeshtje marketingu. Edhe pompa qe i jepet ketij lajmi eshte marketing i mirefillte. Te mendosh qe me punet e menderosura te ketij shteti, do te merret hiç me shume e hiç me pak, por Tony Blair dora vete, eshte nje ngushellim i domosdoshem per budallenjte. Kjo funksionon mire, sidomos ne nje habitat politik ballkanik. Nga pikepamja e shtetberjes jemi nje popull ne fazen e pubertetit: ende nuk dime ç'jemi, ç kemi qene, e ç'do te donim te ishim. Kete krize identiteti kerkojme ta zbusim me suposte te gatshme te markes se mirenjohur Blair.
Add new comment