Haradinaj: Biseda plot cinizëm me Millosheviçin në Hagë dhe pse doja që Berisha të fitonte zgjedhjet

Ndërsa ditët e fundit është ndezur një debat për komentet e analistit dhe shkrimtarit, Fatos Lubonja mbi veprimtarinë e Ramush Haradinajt gjatë luftës së Kosovës, ky i fundit ka dhënë dje një intervistë për Ilva Taren në “Ora News”, duke zbuluar edhe një detaj interesant nga qëndrimi i tij në Hagë si i akuzuar për krime lufte. Haradinaj ka thënë se e ka parë dy herë Sllobodan Milosheviçin, me të cilin ka shkëmbyer këto fjalë: “Shkoja në sallonin e vizitave, duke pritur tek vendi i vizitës... ndërkohë pashë një person përballë. Ai më tha në anglisht: “Z. Haradinaj. Unë e këqyra dhe i thashë: ‘Po’. Ai më tha në anglisht: ‘Jam Miloseviçi’. Nuk më bëri përshtypje. Por s’munda ta besoja që ishte ai. Dukej shumë i vogël, me pantallona të shkurta dhe një jelek si të peshkatarëve, me shumë xhepa. Por, vetëm hundën njoha, se e ka patur një hundë karakteristike. ‘Si është gjendja në Kosovë’, më tha... I thashë mirë. I thashë se bashkësia ndërkombëtare po sillen keq me ne. ‘Po pse’, tha? ‘Po ne duam të bëjmë një ushtri sipas dëshirës sonë...’! Cinizëm ishte. Në fakt kjo ka qenë hera e dytë. Herën e parë më tha: “Ooo... mirë se ke ardhur, si po të duket këtu’? Isha duke kaluar, dhe i thashë: ‘S’e di’! I thashë po ti je më herët dhe duhet ta dish më mirë. ‘E merr vesh vetë’, më tha. Kuptohet në distancë ishim, kishte roje ato që ishin prezentë”, ka rrëfyer Haradinaj.

Në një vlerësim të tijin për Edi Ramën dhe Sali Berishën, kreu i AAK-së ka shtuar se me të parin nuk ka ndonjë marrëdhënie, ndërsa për të dytin thotë se donte të fitonte zgjedhjet sepse... ka ndërtuar Rrugën e Kombit.

Intervista e plotë http://gazetadita.al/ramush-haradinaj-per-akuzat-e-luftes-be...

Re.Pu