Superpasaniku shqiptar, “zyrtarisht” Mane me 1.2 miliard USD

Tjetër ta dish me përafërsi apo ta marrësh me mend, dhe tjetër të ta konfirmojnë organizma të njohur. Kështu, gazeta Tema njofton se organizata e njohur britanike e vlerësimit të pasurive Wealth X ka zbuluar se cili është i pari miliarder në Shqipëri: Ai është Samir Mane, president i Balfin Group, që hapi në vend të parën qendër tregtare dhe park logjistik. Pasuria e tij mendohet se shkon në 1.2 miliard dollarë. Kurrikulumi i Manes (foto me ciftin Berisha) në biznes zë fill si emigrant nga Austria dhe tregtia e elektroshtëpiakeve, me kompaninë Neptun, ndërsa suksesi i tij i parë i madh, ishte QTU, qendra tregtare në autostradën Tiranë-Durrës. TEG është gjithashtu një iniciativë e tij investuese. Ndonëse shumëkush mund ta përmendte Manen si ndër njerëzit më të pasur në vend, shifra që nxjerr Wealth X është mbresëlënëse.

A.K