Annan në librin e tij të kujtimeve: Ja pse SHBA-të u munduan të më mbanin larg luftës së Kosovës mua dhe OKB-në

“Një jetë në luftë dhe paqe”, është libri autobiografik i ish-Sekretarit të Përgjithshëm të Kombeve të Bashkuara, Kofi Annan, botuar nga Penguin Press në Neë York, i cili përshkruan tetë vitet e tij në postin e shefit të organizatës botërore, që nuk ishin pa sfida për të dhe paqen ndërkombëtare. Libri është një rrëfim i sinqertë i Annanit për ngjarjet më të rëndësishme të 20 vjetëve të fundit, midis të cilave edhe sulmin e Serbisë mbi Kosovën, për të cilën Annan thotë se “fushata (serbe) para se gjithash kishte një qëllim: të largojë dhe të vrasë sa më shumë shqiptarë të Kosovës”.  Ish shefi i OKB-së përmend pastaj fjalimet e tij të ndryshme para, gjatë dhe pas ndërhyrjes së NATO-së duke e bërë të qartë se, ndonëse në një pozitë ‘neutrale’ ai megjithatë mbështeste ndërhyrjen ushtarake dhe këtu bënë një analogji me siç thotë, "intervenimin e kirurgut për shpëtimin e jetës”.

Në libër ai shfaq rezerva të mëdha për Shtetet e Bashkuara, të cilat nuk e fshehën se donin që OKB dhe unë të jemi sa më larg menaxhimit të konfliktit, vetëm e vetëm se në mesin e bombardimeve të NATO-s, unë desha që ato të ndaleshin, ka shkruar Annan.

Zh.