Egjipt, ushtria bën masakër mbi civilët, raportohet për 250 të vrarë

Rruget e Kajros janë mbytur me lumenj gjaku që në oret e para të mëngjesit të sotëm. Forcat e sigurisë egjiptiane janë duke zhvilluar aksionin e paralajmëruar më parë për shtypjen e protestave të lirimin e shesheve të bllokuara që në fillim të korrikut nga mbështetësit e Presidentit të rrëzuar nga ushtria, Muhamed Mursi.
Transmetimet e drejtpërdrejta nga sheshet dhe telefonia celulare është ndërprerë duke bërë kështu që të ketë raportime kontradiktore për sa i përket numrit të të vdekurve të plagosurve. Sipas raportimeve paraprake të medieve ndërkombëtare, të cilat duhet theksuar se janë ende të pakonfirmuara, bëhet fjalë për 250 të vdekur dhe rreth 5 mijë të plagosur në rrugët e Kajros si pasojë e ndërhyrjes së ushtrisë.

Ndërkohë, në vend që të pakësoheshin, raportohet se numri i protestuesve është shtuar në rrugët e kryeqytetit që nuk po gjen qetësi, ndërsa mediat kanë transmetuar fotografi të forcave të sigurisë që përgëzojnë njëri-tjetrin pas aksionit.

Re.Pu