Plani rregullues problematik i Tiranës. Arkitekti Kote: “duhet rishikuar. Xhamia, në vend tjetër"

Inxhinieri Robert Kote në një intervistë për SHekullin, i bën thirrje Bashkisë së Tiranës që të rishikojë dhe një herë planin rregullues të vitit 2013. Në intervistën për Valeria Dedajn, ai thotë se:

…Të shtysh stacionin e Trenit, që aktualisht është afër me qendrën, ta zhvendosësh larg qendrës, nuk është një zgjidhje aspak e mirë, sepse largon dhe turistët nga qendra e Tiranës, kështu shton trafikun. Dhe më tej, ai eleminon justifikimin se “këto i ka plani rregullues, kam bërë këtë, kam bërë atë2 për tëargumentuar se bulevardi që mendojnë të ndërtojnë do të hapë shumë probleme sepse ka lejuar të prishen ndërtime, ky është një shpenzim i plotë.

“Ndërkohë që miratohet plani rregullues i Tiranës, ai po shkatërron lulishtet, muajt e fundit u shkatërrua lulishtja para selisë së PS-së. Nëse shikon fotot e vjetra të Tiranës, vëmë re se ato pak lulishte që kanë qenë janë prishur. Fatkeqësisht dhe lulishtja që ishte pranë Shtëpisë së Oficerëve u prish për të ndërtuar xhaminë, prandaj nuk duhet të harrojmë se shumë lulishte të tjera kështu janë shkatërruar, duke ndërtuar ndërtesa të reja mbi godina dhe mbi terrene sportive.”

Për xhaminë e Namazgjasë:

“Unë mendoj se xhamia mund të ndërtohet aty ku ndodhet monumenti Partizani, pse të mos ndërtohet atje, por shkojnë dhe shkatërrojnë lulishten. Kurse ambientalistët që ankohen dhe po bllokojnë ndërtimet kanë qenë pas Sali Berishës, teksa ai firmoste ndërtimin e saj. Gjithashtu kanë shumë të drejtë kur thonë njerëzit se ajo xhami që është projektuar atje ngjan me xhamitë e Stambollit, por unë mendoj se duhet të jetë diçka shqiptare, dinjitoze dhe për Tiranën, por dhe për myslimanët shqiptarë.”

k.c.

e plotë:

http://www.shekulli.com.al/web/p.php?id=28747&kat=94