Kuvendi i ri në nisje të punimeve, fillon seanca e parë

Nën drejtimin e deputetit Namik Dokle, fillon punimet Kuvendi i ri i Shqipërisë, i dalë nga zgjedhjet e përgjithshme të 23 qershorit, duke shënuar kështu hapjen zyrtare të punimeve të legjislaturës së VIII-të parlamentare.  140 deputetët e dalë nga këto zgjedhje, do të nisin punën vetëm pas verifikimit të mandateve nga komisioni përkatës që do të ngrihet. Deputetët i janë drejtuar Kuvendit rreth orës 17:30, ashtu si dhe diplomatët e huaj, ndërkohë që përfaqësuesit e gardës së republikës ishin vendosur në derën hyrëse të Kuvendit. Pritet që kryetari i ri i Kuvendit të jetë kreu i LSI-së Ilir Meta. Grupet kryesore parlamentare i kanë caktuar drejtuesit e tyre: Për socialistët Gramoz Ruçi, për demokratët Edi Paloka dhe për LSI-në Petrit Vasili.
a.k