Publiku francez shokohet nga një reportazh mbi Lazaratin

Të dielën në mbrëmje, televizioni i tretë i madh privat francez, M6, në emisionin e tij mjaft të ndjekur ZONE INTERDITE – ENQUETE EXCLUSIVE, dha një reportazh haluçinant mbi Shqipërinë me temë “Lazarati kryeqyteti europian i kanabisit”.

“Reportazh surrealist. Jo më shumë për atë që prodhohet, por për kushtet e filmimit; gazetarë francezë me kamera të fshehë, që kërcënohen nga banditë t’u merret kamera apo jeta pse filmonin; të dukeshin pamje si nga Bagdati apo Kabuli, e jo nga një vend europian. Më telefonuan miq francezë të lebetitur si është e mundur një zonë e tillë pandëshkueshmërie vetëm pak km nga thesari kulturor i Unesco-s, Gjirokastra – komentoi për DITA, gazetari i RFI (Radio France International), Genc Burimi,

Europa nuk ka vetëm liderët politikë që njohim, por edhe nje ekstrem të djathtë që ushqehet me këto lloj reportazhesh për të vjellur vrer mbi “barbarët”. “Jam vërtet i tronditur nga ky reportazh që fundi i fundit është xhiruar në tonin e shakasë, si një parodi James Bond-i në vendin e farmakut mrekullibërës – thotë Burimi.

Reportazhi zgjat vetëm çerek ore dhe mund të shihet në adresën: http://www.m6replay.fr/#/enquete-exclusive/11314018-fumeurs-.... Shqipëria fillon tek minuta 38 e 20 sec.