PD alarmohet nga largimi i një sekretareje dhe nxjerr “luftarakun” Bogdani

Gjasat janë për për çdo largim nga puna të stafeve të vjetra ministrore që do bëjë kabineti I ri qeveritar, PD të dalë në konferencë të posaçme për shtyp. Të paktën, kështu ndodhi me deputetin Gert Bogdani, që ka denoncuar largimin nga puna të sekretares së përgjithshme të ministrisë së Integrimit. 
Sipas Bogdanit, rasti i lirimit nga detyra i sekretares së përgjithshme Elda Kalaja, është rasti i parë më flagrant i sulmit që Rama e qeveria e tij po i bën administratës së këtij vendi e e zëvendësimin e saj me militantë partie. Ndoshta Bogdani mund të ofronte një shembull sekretari të përgjithshëm të qeverisë Nano, që qëndroi në punë edhe me kryeministrin Berisha. Ose të përmendte pushimet e shumta nga puna dhe rrogat e paguara për të njëjtin vend pune me vendim gjykate, fenomen i zakonshëm nën ekzekutivin e partisë së tij. Kjo lloj opozite fëminore, qesharake e madje vulgare, mesa duket ka bërë shumë përshtypje në rrjet, pasi lajmi në fjalë është mbushur me komente negative ndaj Bogdanit.

a.k